الماتىدا توناۋمەن اينالىسقان 17 توپتىڭ، 65 قاراقشىلىق شابۋىلدىڭ جولى كەسىلدى
الماتىنىڭ باس پوليتسەيى حابارلاعانداي، قىلمىستىق قۇقىق بۇزۋشىلىقتىڭ جالپى اشىلۋى جاقساردى. ماس كۇيدە جاسالعان زاڭسىز ارەكەتتەر سانى 17,3 پايىزعا، قوعامدىق ورىندارداعى زاڭسىزدىق 4,1 پايىزعا ازايعان.
«دەپارتامەنتتىڭ جەكە قۇرامى شاھاردا ءتيىستى قوعامدىق ءتارتىپتى قامتاماسىز ەتىپ، قالاداعى قىلمىستى ازايتۋ ءۇشىن بارلىق قاجەتتى شارالاردى قابىلداپ جاتىر. ناتيجەسىندە توناۋمەن اينالىسقان 17 توپتىڭ، 65 قاراقشىلىق شابۋىلدىڭ، 13 كولىك ۇرلىعىنىڭ، 33 پاتەر ۇرلىعىمەن اينالىسقانداردىڭ، 20 اۆتوكولىكتىڭ ءىشىن توناعان، 159 ى قوعامدىق ورىندا جەكە مۇلىكتى ۇرلاعانداردىڭ قىلمىستىق جولى كەسىلدى»، - دەدى الماتى قالالىق پوليتسيا دەپارتامەنتىنىڭ باستىعى.
ول سونداي-اق، قالادا زورلاۋ قىلمىسى 3,4 پايىزعا، پاتەر ۇرلىعى 6,5 پايىزعا، قالتا ۇرلىعى 2,6 ەسە، كولىكتىڭ سالونىنان ۇرلىق 2,3 ەسە، ينتەرنەتتەگى الاياقتىق 28,4 پايىزعا ازايعانىن ايتتى.
