چەحيا عالىمدارى انتاركتيدادا 17,5 گرادۋس رەكوردتىق تەمپەراتۋرانى تىركەدى
بۇل تۋرالى تىلشىلەرگە چەحيانىڭ جەتەكشى كليماتولوگتاردىڭ ءبىرى كاميل لاسكا ءمالىم ەتتى، دەپ حابارلايدى ت ا س س.
«بۇل فاكت بۇكىل عالامشاردا بولىپ جاتقان جاھاندىق جىلىنۋ ۇدەرىسىنىڭ كۇشەيۋىن راستايدى»، - دەدى عالىم. «رەكورد وتكەن جىلدىڭ 23- ناۋرىزىندا اۆتوماتتى مەتەورولوگيالىق ولشەۋ ستانساسىندا تىركەلدى، عالىمدار ونىڭ مالىمەتتەرىن جىلىنا ءبىر رەت بارىپ، قاجەتتى الدىن الۋ شارالارىن وتكىزۋ كەزىندە الادى. چەحيا عىلىمي ەكسپەديتسياسى وتكەن اپتادا انتاركتيدادان وسىنداي جاڭالىقپەن ورالدى»، - دەپ اتاپ ءوتتى ول.
اۆتوماتتى ولشەۋ ستانساسى انتاركتيداداعى دجەيمس روسس مۇزدىقتارىنىڭ بىرىندە، تەڭىز دەڭگەيىنەن 500 مەتر جەردە ورنالاسقان.
