قاڭتارداعى ازاپتاۋعا قاتىستى 17 پوليتسەي مەن 12 ۇ ق ك قىزمەتكەرى جاۋاپكەرشىلىككە تارتىلادى

«قازىرگى كەزدە ازاپتاۋ بويىنشا 11 ءىس تەرگەۋ بارىسىندا. تاعى بەس ءىستى تەرگەۋ اياقتالدى. وسى ورايدا، 23 ادامعا جازا تاعايىندالدى. سونىمەن قاتار، تاعى ءبىر ءىس سوتتا قارالىپ جاتىر. جالپى، 29 ادام ازاپتاۋعا قاتىستى قىلمىستىق جاۋاپكەرشىلىككە تارتىلادى»، - دەدى ءا. شىنداليەۆ پارلامەنت ماجىلىسىندەگى باسپا ءسوز ءماسليحاتىندا.

سونداي-اق، ول اتالعان 29 ادامنىڭ 17 ءسى پوليتسيا، قالعان 12 ءسى ۇلتتىق قاۋىپسىزدىك كوميتەتى قىزمەتكەرى ەكەنىن ناقتىلادى.

اسەت شىنداليەۆتىڭ ايتۋىنشا، راقىمشىلىققا شامامەن 1,5 مىڭ ادام ىلىگەدى. ولاردىڭ باسىم بولىگى - جاپپاي تارتىپسىزدىككە قاتىسقاندار، ۇرلىق جانە باسقا قىلمىس جاساعاندار.

بۇدان بۇرىن حابارلانعانداي، ءماجىلىستىڭ جالپى وتىرىسىندا پالاتا دەپۋتاتتارى «راقىمشىلىق جاساۋ تۋرالى» زاڭ جوباسىن ماقۇلدادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى