الماتىلىق 16 جاسار تەننيسشى قازاقستان سپارتاكياداسىنىڭ ابسوليۋتتى چەمپيونى اتاندى

قازاقستان تەننيس فەدەراتسياسىنان ءمالىم ەتكەندەي، جارىسقا استانا، الماتى، شىمكەنت، كوكشەتاۋ، تەمىرتاۋ، سەمەي، وسكەمەن قالالارى مەن اقتوبە، تۇركىستان، قاراعاندى، قىزىلوردا وبلىستارىنان 100 دەن استام ويىنشى قاتىسىپ، باق سىنادى.

ايەلدەر اراسىندا 16 جاسار الماتىلىق پولينا سلەپتسوۆا ايدى اسپانعا شىعارىپ، فينالدا الەمنىڭ 500-راكەتكاسى، شىمكەنتتىك گوزال اينيتدينوۆانى جەڭدى - 6:1, 3:2 (بۇدان كەيىن گوزال باسەكەنى جالعاستىرۋدان باس تارتتى) .

قولا جۇلدە ءۇشىن جەكپە- جەكتە الماتىلىق اسىلجان ارىستانبەكوۆا استانالىق ۋليانا رومانوۆانى قاپى قالدىردى - 6:4, 6:2.

جۇپتىق سىندا پولينا مەن اسىلجان ەلوردالىقتار ۋ. رومانوۆا - ارۋجان ساعىندىقوۆانى ويسىراتا ۇتتى - 6:1, 6:1. اقتوبەلىكتەر امىرە قازتۋعان مەن زينيرا ءجۇنىسوۆا قولا جۇلدەگەر اتاندى.

ەرلەر اراسىندا سوڭعى باسەكەدە قىزىلوردالىقتار تيمۋر ماۋلەنوۆ پەن ەراسىل ەردىلدا التىن ءۇشىن تالاستى. ەراسىل جاسىراق بولعانىمەن، تيمۋر دوپتى جاقسى بەرىپ، سەنىمدى وينادى - 6:3, 6:4.

بيىل ەلىمىزدىڭ قىسقى چەمپيوناتىندا ت. ماۋلەنوۆ ۇزدىك شىققان ەدى. سپارتاكيادانىڭ قولا مەدالى تەمىرتاۋلىق گريگوري لوماكينگە بۇيىردى.

ەسەپ 6:0 بولعاننان كەيىن قارسىلاسى، الماتىلىق نيكيتا سيدوروۆ باسەكەنى جالعاستىرۋدان باس تارتتى.

جۇپتىق سىندا فينالدا الماتىلىقتار دانييل فەلكەر - نيكيتا سيدوروۆتان ايلاسىن اسىرعان گ. لوماكين مەن قاراعاندىلىق ۆيتالي زاتسەپين جەڭىمپاز اتاندى. قولا جۇلدە ت. ماۋلەنوۆ پەن ە. ەردىلدانىڭ ەنشىسىندە.

جالپى كوماندالىق ەسەپتە الماتىلىقتار وزىپ شىقسا، قىزىلوردالىقتار - ەكىنشى، استانالىقتار ءۇشىنشى ورىنعا كوتەرىلدى.

ەسكە سالا كەتەيىك، بۇدان بۇرىن ۋيمبلدوندا ەلەنا رىباكينانى جەڭگەن ونس جابەردىڭ فينالعا شىققانىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى