ورالدا جول اپاتىنان جەتى بالا زارداپ شەگىپ، 16 جاسار قىز جانساقتاۋ بولىمىنە جاتقىزىلدى

ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وقيعا 12-شىلدە كۇنى زاچاگان كەنتىندە ساراتوۆ تاس جولى مەن ە. برۋسيلوۆسكي كوشەسىنىڭ قيىلىسىندا بولدى.

«شامامەن ساعات 17.15-تە 1991 -جىلعى جۇرگىزۋشى «لادا گرانتا» اۆتوكولىگىمەن كەلە جاتىپ، جول قوزعالىسى ەرەجەسىن قامتاماسىز ەتپەگەن. سودان 1989 -جىلعى جۇرگىزۋشى ايداپ كەلە جاتقان «لادا لارگۋس» اۆتوكولىگىنە جول بەرمەي، سوقتىعىسقان. جول اپاتى سالدارىنان «لادا لارگۋس» اۆتوكولىگىنىڭ جۇرگىزۋشىسى جانە 1989، 1993 -جىلعى جولاۋشىلارى وبلىستىق كوپبەيىندى اۋرۋحاناعا جەتكىزىلدى. وعان قوسا وسى اۆتوكولىكتە وتىرعان 2010، 2011، 2013، 2015، 2017، 2020 جانە 2021 -جىلعى بالالار وبلىستىق كوپبەيىندى بالالار اۋرۋحاناسىندا. قازىرگى كەزدە ق ر ق ك 345-بابىنا سايكەس سوتقا دەيىنگى تەرگەۋ امالدارى ءجۇرىپ جاتىر» دەپ حابارلادى ۆەدومستۆودان.

ب ق و دەنساۋلىق ساقتاۋ باسقارماسى باسپا ءسوز قىزمەتىنىڭ حابارلاۋىنشا، سول كۇنى ساعات 17.45-تە جەدەل جاردەم بريگاداسىمەن جەتى بالا وبلىستىق بالالار اۋرۋحاناسىنا جەتكىزىلدى.

دارىگەر ماماندار قاراپ، رەنتگەنوگرافيا، زەرتحانالىق زەرتتەۋلەر جانە بۇكىل قاجەتتى تەكسەرۋ جۇرگىزگەن. 2017 -جىلعى قىز جانساقتاۋ بولىمىنە جاتقىزىلدى.

قالعاندارىنا قاجەتتى كومەك كورسەتىلىپ، امبۋلاتوريالىق ەمدەۋگە جىبەرىلدى.

وبلىستىق اۋرۋحاناعا تۇسكەن ءۇش ادامنىڭ جاعدايى انىقتالۋ ۇستىندە.

ەسكە سالا كەتەيىك، بۇدان بۇرىن باتىس قازاقستاندا جۇرگىزۋشى 51 جاستاعى ايەلدى قاعىپ، قاشىپ كەتكەنىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى