قازاقستان الەمدە رەزەرۆتەر قۇرامىنداعى التىن قورى بويىنشا 16-ورىندا تۇر
وتكەن ايدىڭ ىشىندە ە د ب قاراجاتىنىڭ ۇلتتىق بانكتەگى ۆاليۋتا شوتتارىنان اكەتۋىن بايقاعانىمىزعا قاراماستان، رەزەرۆتەر التىن باعاسىنىڭ % 7,4- عا ءوسۋى اياسىندا ءبىر ۋنتسيا ءۇشىن 1639 دوللاردان 1760 دوللارعا دەيىن ءوستى.
باعالى مەتالدىڭ قىمباتتاۋى ا ق ش- تاعى ينفلياتسيا بويىنشا دەرەكتەردىڭ شىعۋىنا جانە مەملەكەتتىك وبليگاتسيالار كىرىستىلىگىنىڭ كەيىننەن تومەندەۋىنە، سونداي- اق ا ق ش دوللارىنىڭ السىرەۋىنە بايلانىستى بولدى.
التىن باعاسىنىڭ ءوسۋى اياسىندا ۇلتتىق بانك حالىقارالىق رەزەرۆتەردى ءارتاراپتاندىرۋ ءۇشىن التىن ۇلەسىن قىسقارتۋ ساياساتىن جالعاستىرۋ شەڭبەرىندە التىندى تۇراقتى ۆاليۋتاعا ساتتى.
التىن- ۆاليۋتا اكتيۆتەرىن اللوكيرلەۋدى ءارتاراپتاندىرۋ مەن تەڭەستىرۋدى ارتتىرۋ ماقساتىندا ۇلتتىق بانك جىل باسىنان باستاپ رەزەرۆتەردەگى التىن ۇلەسىن % 68- دان % 63- عا دەيىن تومەندەتتى. التىن نارىق تالاپتارىنا سايكەس تولىق ساتىلادى.
بۇل رەتتە، باعانىڭ وزگەرۋ تاۋەكەلىن حەدجيرلەۋ ماقساتىندا التىننىڭ ءبىر بولىگى وپتسيوندىق ستراتەگيالاردى قولدانا وتىرىپ ساتىلادى. World Gold Council ۇيىمىنىڭ سوڭعى رەيتينگىنە سايكەس، قازاقستان رەزەرۆتەر قۇرامىنداعى التىن قورى بويىنشا 16-ورىندا تۇر. وعان قوسا، قازاقستان رەزەرۆتەر قۇرامىنداعى التىن ۇلەسى بويىنشا ەڭ جوعارى 10 ەلدىڭ قاتارىنا كىرەدى.
قازاقستاننان باسقا،% 82- بەن ۆەنەسۋەلا، % 70- بەن پورتۋگاليا، % 66- بەن ا ق ش جانە % 65- بەن گەرمانيا سياقتى ەلدەر رەزەرۆتەر قۇرامىنداعى التىن ۇلەسى بويىنشا كوشباسشى ەلدەرگە جاتادى.
بۇل رەتتە قازاقستان رەزەرۆتەرىنىڭ قۇرامىنداعى التىننىڭ ۇلەسى ر ف، ۇلى بريتانياعا، ءۇندىستانعا، شۆەيتسارياعا، جاپونياعا جانە قىتايعا قاراعاندا ايتارلىقتاي جوعارى، ولاردىڭ رەزەرۆتەر قۇرامىنداعى التىن پورتفەلى شامامەن % 20، % 10، % 8، % 6، % 4 جانە % 3- دى قۇرايدى.
