اناسى ىستانبۇلعا الداپ اپارىپ، مەدرەسەگە بەرگەن 16 جاسار قىز ەلگە قايتارىلدى
16 جاستاعى قازاقستان ازاماتى وتانىمىزعا جەتكىزىلدى، قازىر قىز وتباسىنىڭ جانىندا، اقتوبە قالاسىندا.
«16 جاسار قازاقستان ازاماتى بالا قۇقىقتارى جونىندەگى ۋاكىل ارۋجان سايننان ەلگە ورالۋعا كومەك سۇرادى. وتىنىشتەن كامەلەتكە تولماعان قىزدى اناسى الاياقتىق جولمەن تۇركياعا الىپ كەتكەنى جانە ونىڭ ەركىنە قارسى ىستانبۇلداعى قىزدارعا ارنالعان مەدرەسەگە بەرگەنى انىقتالدى. سونىمەن قاتار بالا تۋىستارىمەن بايلانىسا الماي، قازاقستاندا جۇرگەن اكەسى مەن ەكى اعاسىن ساعىنعانىن ايتىپ شاعىمدانعان. ارۋجان سايننىڭ ءوتىنىشى نەگىزىندە ق ر وقۋ-اعارتۋ مينيسترلىگىنىڭ بالالاردىڭ قۇقىقتارىن قورعاۋ كوميتەتى قازاقستاننىڭ تۇركياداعى ەلشىلىگى ارقىلى ىستانبۇلدا بالانى ىزدەۋ ماسەلەسىن شۇعىل قولعا الدى. ق ر سىرتقى ىستەر مينيسترلىگىنىڭ كومەگىمەن بالا تابىلىپ، ونىڭ قازاقستانعا ورالۋىنا قاجەتتى كومەك كورسەتىلدى»، - دەدى بالالاردىڭ قۇقىقتارىن قورعاۋ كوميتەتىنىڭ ءتوراعاسى ناسىمجان وسپانوۆا.
كوميتەت قازاقستاننىڭ كامەلەتكە تولماعان ازاماتتارىنىڭ مۇددەسى ءۇشىن جۇمىستى ودان ءارى جالعاستىرا بەرەدى.
