قىزىل تەڭىزدە 16 مىڭ قوي الىپ بارا جاتقان كەمە سۋعا باتتى

كەمەدە ساۋد ارابياسىنا جەتكىزىلۋى ءتيىس 15800 قوي بار بولاتىن. الايدا شامادان تىس اۋىر سالماقتى كوتەرە الماعان كەمە سۋ تۇبىنە كەتتى. وقيعا 11 ماۋسىم كۇنى كەشكە بولدى. جەرگىلىكتى بۇقارالىق اقپارات قۇرالدارىنىڭ كەيبىرىنىڭ ەسەبى بويىنشا، مالدان كەلگەن شىعىن 4 ميلليون دوللاردى قۇراپ وتىر. كەمەنىڭ قۋاتى مۇنداي سالماققا ەسەپتەلمەگەن. اۋەلدە كەمەنىڭ تەك 9 مىڭ باس مالدى تاسىمالداي الاتىن ايتىلعان. سۋاكين ايلاعى سۋداننىڭ سولتۇستىك- شىعىسىندا، قىزىل تەڭىزدىڭ جاعاسىندا ورنالاسقان. بۇرىن ول قىزىل تەڭىزگە جاعالاۋىندا ورنالاسقان، وسى وڭىردەگى ەڭ باستى ايلاق بولاتىن. قازىر ول سولتۇستىككە قاراي 60 ك م قاشىقتىقتا ورنالاسقان سۋدان ايلاعىنان كەيىن، ەكىنشى ماڭىزداعى پورت.

اۆتور: ايدار وسپاناليەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى