قىرعىز- تاجىك شەكاراسىنداعى اتىستان 16 ادام جارالاندى

قىرعىزستاننىڭ باتكەن وبلىستىق اۋرۋحاناسىنا وق ءتيىپ، جاراقات العان 7 كىسى ءتۇستى.

جەرگىلىكتى اقپارات قۇرالدارىنىڭ حابارلاۋىنشا، جاراقات العانداردان 1 تۇرعىن قايتىس بولعان، دەپ حابارلايدى «حابار 24».

باتكەن اۋدانىنىڭ كوك- تاش اۋىلىنىڭ تۇرعىندارى تاجىك ساربازدارىنان سۋ تاراتاتىن بەكەتتە ورناتىلعان ۆيدەوباقىلاۋ كامەراسىن الىپ تاستاۋدى تالاپ ەتكەن. ءبىراق ەكى جاق ءتىل تابىسا الماي، ءبىر- ءبىرىن تىلدەپ، تاس لاقتىرا باستاعان. سوڭى كۋاگەرلەردىڭ ايتۋىنشا، اتىسقا جانە ءتىپتى جارىلىسقا ۇلاسقان. قازىر بىشكەكتە باتكەن تۇرعىندارىن قولداعان شەرۋ ءوتىپ جاتىر.

ۇكىمەت ءۇيىنىڭ جانىنا قىرعىزستاننىڭ وڭتۇستىك ايماقتارىنان شىققان 500-گە جۋىق ادام جينالدى. ولار تاجىكستانعا جەر بەرمەۋدى جانە جەرگىلىكتى تۇرعىنداردى شەكارالاس ەلدەر ازاماتتارىنىڭ شابۋىلىنان قورعاۋدى تالاپ ەتىپ جاتىر. ازىرگە قىرعىزستان مەن تاجىكستان اراسىندا كەلىسسوز باستالعان جوق.

قىرعىز پرەزيدەنتى سادىر جاپاروۆ «فەيسبۋكتەگى» پاراقشاسىندا مالىمدەمە جاريالادى. وندا ول «بارلىق تۇرعىنداردى، ونىڭ ىشىندە ساياسي كۇشتەر مەن اقپارات قۇرالدارىن ارانداتۋعا بەرمەي، ارازدىق وتىن جاقپاۋعا» شاقىردى. سونداي- اق جاپاروۆ «تاجىك باۋىرلارىمىزبەن ءتىل تابىسامىز، بارلىق ماسەلەلەردى شەشەمىز» دەپ مالىمدەدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى