اتىراۋداعى «تەڭىز» كەن الاڭىندا ىندەتكە بايلانىستى 16 مىڭنان استام جۇمىسشى ۇيىنە قايتارىلدى

ولار نەگىزىنەن COVID-19 ىندەتىن جۇقتىرعان ازماتتارمەن جاقىن قاتىناستا بولعاندار. جالپى، تەڭىزدەگى جۇمىسشىلار قالاشىعىنان 17 اۋرۋ وشاعى انىقتالدى. قازىر كەنىشتە 270 ناۋقاس تىركەلىپ، ەم الۋدا. ونىڭ 59-ى جازىلىپ شىققان. قاۋىپتى ىندەتتىڭ الدىن الۋ ماقساتىندا 16 مىڭنان استام جۇمىسشى تۇرعىلىقتى جەرلەرىنە قايتارىلدى. قالعاندارى جاقىن كۇندەرى اپاتتى ايماقتان شىعارىلادى.

تەمىربەك مۋساعاليەۆ، وبلىستىڭ باس سانيتارلىق دارىگەرى:

- ەگەر تەك «تەڭىزگە» توقتالاتىن بولساق، ءساۋىر ايىنىڭ اياعىنان باستاپ تاۋلىگىنە 20-25 ناۋقاستان تىركەلىپ كەلەدى. ولاردىڭ 50 پروتسەنتىندە اۋرۋ بەلگىلەرى جاسىرىن تۇردە جۇرگەن. ياعني، ادام ءوزىن قالىپتى جاعدايدا سەزىنەدى، ال تەكسەرگەندە، ولاردان كوروناۆيرۋس اۋرۋىنىڭ بەلگىلەرى شىعىپ جاتىر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى