قىتايدىڭ وڭتۇستىگىندەگى الاپات داۋىل سالدارىنان 16 ادام قازا تاپتى - فوتو، كەسكىن
زارداپ شەككەندەردىڭ باسىم بولىگى - 8 ادام ماكاودا تىركەلگەن، چجۋحاي، چجۋنشان قالالارى جانە تسزيانمەندە، گۋاندۋن پروۆينتسياسىندا سايكەسىنشە 4,3 جانە 1 ادام قازا تاپتى. ايماقتاعى ەلەكتر تاراتۋ جەلىلەرى، قوعامدىق كولىكتەردىڭ جۇمىسى بۇزىلىپ، 700 مىڭنان استام تۇرعىن ۇيلەرگە كىرۋ جولدارى جابىلعان.
گونكونگتا جەلدىڭ ەكپىنى اعاشتاردى قيراتىپ، قالا كوشەلەرىنىڭ كەيبىر بولىكتەرىن سۋ باسقان. كوپتەگەن قوعامدىق مەكەمەلەر، كومپانيالار مەن ءبىلىم وشاقتارى جابىلىپ قالدى.
سونىمەن قاتار، 400 دەن استام اۋە رەيستەرى توقتاتىلىپ، ماكاونى جاقىن ارالدارمەن بايلانىستىراتىن جولدار جابىلدى.
داۋىل باستالعانعا دەيىن بيلىك گۋاندۋن پرۆينتسياسىنداعى جاعاجايعا جاقىن ورنالاسقان شامامەن 279 مىڭ جانە كورشىلەس گۋانسۋن پروۆينتسياسىنىڭ 128 مىڭ تۇرعىنىنىڭ ۇيلەرىن بوساتۋىن الدىن الا ەسكەرتكەن.
قىتاي مەتەورولوگيالىق قىزمەتى اپاتتى جاعدايعا بايلانىستى قاۋىپتىلىكتىڭ قىزىل دەڭگەيىن جاريالادى. تايفۋن وشاعىنداعى جەلدىڭ ەڭ جوعارى جىلدامدىعى 155 ك م/س دەيىن جەتتى.
قازىرگى ۋاقىتتا حاتو داۋىلى قىتايدىڭ باتىسىنا قاراي اۋىسىپ، گۋانسي، يۋننان جانە گۋيچجوۋ پروۆينتسيالارىنا نوسەر جاۋىن الىپ كەلدى.
