الماتىدا 16 جاستاعى قىزبەن قاشىپ، قازا بولعان جىگىتكە قاتىستى جاڭا دەرەك شىقتى
«اتالعان تۇلعاعا تۋىستارىنىڭ بىرىنە پىشاق جاراقاتىن كەلتىردى دەگەن كۇدىك كەلتىرىلىپ وتىر. ول قىلمىس 23- شىلدەدە تۇنگى ساعات ەكىلەردە الماتىنىڭ مەدەۋ اۋدانىندا ورىن الدى. ناتيجەسىندە ءبىرتالاي اقشانى ۇرلاپ كەتكەن»، - دەدى الماتى ءى ءى د رەسمي وكىلى سالتانات ازىربەك.
پوليتسەيلەر قازىرگى ۋاقىتتا بارلىق دەرەكتەردى سالىستىرىپ جاتىر، سوتقا دەيىنگى تەرگەۋ جۇرگىزىلۋدە.
ەسكە سالا كەتەيىك، 16 جاستاعى جاس ءوسپىرىم قىزدىڭ جوعالىپ كەتكەنى جايلى اقپارات 24- شىلدەدە بەلگىلى بولعان. سول كۇنى قىزدى ىزدەۋگە ەرىكتىلەر قوسىلعان ەدى. كەيىن ولار قىزدىڭ مارقۇم نازارمەن تاۋدا ەكەنىن انىقتاعان.
ەرىكتىلەر نازار مەن اناستاسيانى تاۋىپ العاننان كەيىن، جاستار قاشىپ كەتپەكشى بولادى. ءبىر ۋاقىتتا نازار قىزدى تومەنگە يتەرىپ جىبەرىپ، ءوزى قاشۋىن ءارى قاراي جالعاستىرعان. ال قىز بالا قۇلاعان كەزدە باسىمەن سوعىلىپ، ءتۇرلى جاراقاتتار الىپ اۋرۋحاناعا جەتكىزىلگەن.
18 جاستاعى جىگىتتى قاشىپ كەتكەن سوڭ تاعى ىزدەي باستاعان. ىزدەۋدى تۇندە توقتاتىپ، تاڭەرتەڭ قايتا جالعاستىرعان. ال 25- شىلدەدە تاڭعى 8:24 تە ونىڭ ءمايىتى تاۋدان تابىلدى.
ەرىكتى يسلام ۋگۋشەۆتىڭ سوزىنشە، جاس جىگىت تاۋدان وزدىگىنەن تۇسپەكشى بولعاندا قۇلاپ، قازا بولعان.
