اشا ماتاي «16 قىز» فيلمىنىڭ ءتۇسىرىلىمى كەزىندە بەرىك ايتجانوۆپەن ءسۇيىسۋ قيىنعا سوققانىن ايتتى

بۇل تۋرالى Stan.kz حابارلايدى.

«وندا ءبىز باۋىرجانمەن ماحابباتتى (ءسۇيىسۋ كورىنىسى) كورسەتەمىز. ماعان وسى ءسات قيىنعا سوقتى. سەبەبى مەن بەرىكتى (ايتجانوۆ) تەك ارىپتەس جانە ۇلكەن كىسى رەتىندە قابىلدايمىن. ءبىز كينوفەستيۆال نەمەسە باسقا جەرلەردە كەزدەسىپ، ارىپتەس بولىپ جۇردىك. كينوعا ءتۇسۋ بۇيىرىپتى. سونىمەن، سوڭىندا جاقىنداسىپ ءسۇيىسۋ كورىنىسى جونىندە مەن قاناعاتپەن سويلەسىپ، مۇنىمىز ۇيات بولادى دەدىم. ال، رەجيسسەر سەندەر ءبىر-بىرلەرىڭە جاقىنداعان سياقتى بولىڭدار، مەن سول ءساتتى باسقا قىرىنان ءتۇسىرىپ الامىن دەدى. كينونى كورسەم شىنايى شىعىپتى عوي. كەيبىر كورەرمەندەر جامان ويلاپ قالۋى مۇمكىن، ءبىراق ءبارى ولار ويلاعانداي ەمەس» -  دەدى اشا ماتاي (كۇلىپ).

اكتريسادان فيلمدى ءتۇسىرۋ بارىسىنداعى قىزىقتى ساتتەدى دە ۇمىت قالدىرعان جوق.

«قىزىقتى ساتتەر كوپ بولدى. ءبىز شارىنعا بارعان كەزدە وتە سۋىق ەدى. سوندا، ءبىزدىڭ (بەرىك ايتجانوۆ ەكەۋى) ماشينانىڭ ۇستىندە اڭگىمەلەسىپ، سامسا جەيتىن ءساتىمىز بار. سامسامىز قاتىپ قالىپ، مەن سول جەردە 15 سامسا جەگەن بولارمىن. كۇن باتىپ بارا جاتىر، ءبىز كۇنگە قارايمىز. سوندىقتان رەجيسسەر تەز-تەز جەڭدەر، تەزىرەك تۇسىرەيىك دەيدى. مەن قاقالىپ، تۇسىرىلىمنەن كەيىن قۇسىپ الدىم»، - دەيدى اكتريسا.

كارتينادا باستى رولدەردى بەرىك ايتجانوۆ، اشا ماتاي جانە ءانۋار نۇرپەيىسوۆ وينايدى. رەجيسسەردىڭ ايتۋىنشا، ونەر يەلەرى اكتەرلىك شەبەرلىگى، مۇمكىندىكتەرى مەن بىلىمىنە قاراي تاڭداپ العان. ءتىپتى، ستسەناريي سولاردىڭ كاسىبي قابىلەتتەرىنە قاراي جازىلىپتى.

رەجيسسەر قاناعات مۇستافيننىڭ «16 قىز» رومانتيكالىق كومەدياسى 3- ناۋرىز كۇنى ۇلكەن ەكرانعا شىعادى. ءتورت جىل سەناريى جازىلعان كارتينانى تۇسىرۋگە جانە مونتاجداۋعا ەكى جىل ۋاقىت كەتكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى