بەرىك ايتجانوۆ پەن اشا ماتاي وينايتىن «16 قىز» فيلمىنىڭ تانىستىرىلىمى شىقتى - كەسكىن، فوتو
كارتينادا باستى رولدەردە بەرىك ايتجانوۆ، اشا ماتاي مەن ءانۋار نۇرپەيىسوۆ وينايدى. 2014-جىلدىڭ تامىزىندا باستالعان ءتۇسىرىلىم جۇمىستارى الماتى، باياناۋىل، سونىمەن قاتار، استانا مەن قاراعاندىدا ءوتتى.
«16 قىز» فيلمى اتا-اناسى ۇيلەندىرۋدى ارماندايتىن باۋىرجان ەسىمدى جىگىتتىڭ وقيعاسىن باياندايدى. باس كەيىپكەردىڭ اتا-اناسى بالالارىنا قالىڭدىق ىزدەيدى. باۋىرجان بولسا ماحابباتپەن ۇيلەنگىسى كەلەدى. ال ونىڭ تاڭداۋى ايجان باسقا اداممەن اتاستىرىلىپ قويعان. اكەسىنىڭ كوڭىلىن قالدىرعىسى كەلمەگەن قىز سۇيىكتىسىنەن باس تارتادى.
فيلمنىڭ سەناري اۆتورلارى - قاناعات مۇستافين مەن جانات قاسبەكوۆ، ال پروديۋسەر - ايدارحان ادىلبايەۆ.
