الماتى وبلىسىندا 169 شەتەلدىك ەل اۋماعىنان شىعارىلدى

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 2020 -جىلى وبلىسقا 29 مىڭنان استام شەتەلدىك كەلگەن. ونىڭ ەكى جۇزگە جۋىعى الىس شەتەلدەن بولسا، باسىم بولىگى جاقىن مەملەكەتتەردەن.

«كوشى- قون سالاسىنداعى زاڭ تالاپتارىن بۇزعانى ءۇشىن بىلتىر 7872 ادام اكىمشىلىك جاۋاپقا تارتىلدى. 169 ادام ەلدەن شىعارىلسا، ازاماتتىق سوت ءوندىرىسى تارتىبىندە 16 ادام ەلىمىزدەن تىسقارى كەتتى. قولدانىستاعى زاڭنامانى ورەسكەل بۇزۋ دەرەگى بويىنشا 6 قىلمىستىق ءىس قوزعالدى. بۇل 2019 -جىلمەن سالىستىرعاندا ءۇش ەسە از»، - دەدى وبلىستىق پ د كوشى-قون قىزمەتى باسقارماسى باستىعىنىڭ ورىنباسارى پوليتسيا پولكوۆنيگى ەلمۇرات نۇرسەيىتوۆ.

ۆەدومستۆو وكىلىنىڭ اقپاراتىنا سايكەس، زاڭ تالابىن بۇزعاندارعا 80 ميلليون تەڭگەگە جۋىق ايىپپۇل سالىنىپ، تولىعىمەن وندىرىلگەن. كوشى-قون پوليتسياسى اليمەنت تولەۋدەن جالتارعان 364 ادامنىڭ مەكەنجايىن انىقتاعان.

«2020 -جىلى 10876 ادام ەلىمىزدىڭ ازاماتتىعىنا قول جەتكىزدى. ونىڭ باسىم بولىگىندە ءتولقۇجات جەڭىلدەتىلگەن تارتىپتە ازىرلەندى. سونىمەن قاتار، 710 ادام قازاقستان ازاماتى دەپ تانىلسا، 480 ءوتىنىش بەرۋشى ازاماتتىعى جوق تۇلعا كۋالىگىن الدى. وزگە مەملەكەتتەرگە تۇراقتى تۇرۋعا 750 ادام قۇجاتتارىن راسىمدەدى»، - دەپ تولىقتىردى پوليتسيا پولكوۆنيگى ەلمۇرات نۇرسەيىتوۆ.

اۆتور: سامال قابىشەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى