مادەنيەت جانە سپورت مينيسترلىگىنە قاراستى ءبىلىم وردالارىنا 1690 گرانت ءبولىندى
كەزدەسۋگە مادەنيەت جانە سپورت مينيسترلىگىنىڭ، وقۋ- اعارتۋ، عىلىم جانە جوعارى ءبىلىم مينيسترلىكتەرىنىڭ، ازاماتتىق قوعام ينستيتۋتتارىنىڭ، ۇلتتىق كاسىپكەرلەر پالاتاسىنىڭ، ق ر جوعارى وقۋ ورىندارى قاۋىمداستىعىنىڭ وكىلدەرى قاتىستى، دەپ حابارلايدى قازاقپارات.
«وتىرىس قورىتىندىسى بويىنشا مادەنيەت جانە سپورت مينيسترلىگىنە باعىنىستى جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارى اراسىندا باكالاۆر دايارلاۋعا 1690 ورىن ءبولىندى. ونىڭ ىشىندە قازاق ۇلتتىق ونەر ۋنيۆەرسيتەتىنە -315 ورىن، تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنا-300، قۇرمانعازى اتىنداعى قازاق ۇلتتىق كونسەرۆاتورياسىنا-200، قازاق ۇلتتىق حورەوگرافيا اكادەمياسىنا-25،تۇركىستانداعى حالىقارالىق تۋريزم جانە مەيماندوستىق ۋنيۆەرسيتەتىنە-800 ورىن بەرىلدى»، - دەپ جازدى الەۋمەتتىك جەلىدەگى پاراقشاسىنا مادەنيەت جانە سپورت ءمينيسترى اسحات ورالوۆ.
ماگيسترانتتاردى دايارلاۋعا 2023-2024 وقۋ جىلىنا 166 ورىن بولىنگەن. ونىڭ 54 ءىن قازاق ۇلتتىق ونەر ۋنيۆەرسيتەتى، 63 ءىن تەمىربەك جۇرگەنوۆ اتىنداعى قازاق ۇلتتىق ونەر اكادەمياسى، 39 ىن قۇرمانعازى اتىنداعى قازاق ۇلتتىق كونسەرۆاتورياسى، 10 گرانتتى قازاق ۇلتتىق حورەوگرافيا اكادەمياسى العان.
«دوكتورانتۋراعا ءتۇسۋ ءۇشىن 26 ورىن بىلايشا ءبولىندى: 9 ى قازاق ۇلتتىق ونەر ۋنيۆەرسيتەتىنە، 10 ى تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنا، 5-ەۋى قۇرمانعازى اتىنداعى قازاق ۇلتتىق كونسەرۆاتورياسىنا بەرىلسە، 2 ءىن قازاق ۇلتتىق حورەوگرافيا اكادەمياسى الدى.
تەحنيكالىق جانە كاسىپتىك، ورتا بىلىمنەن كەيىنگى ءبىلىمى بار كادرلاردى دايارلاۋعا 2023-2024 وقۋ جىلىنا 700 ورىن ءبولىندى. قازاق ۇلتتىق ونەر ۋنيۆەرسيتەتىنىڭ كوللەدجى – 100، تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ كوللەدجى – 60، قازاق ۇلتتىق حورەوگرافيا اكادەمياسىنىڭ كوللەدجى – 40، جۇسىپبەك ەلەبەكوۆ اتىنداعى رەسپۋبليكالىق ەسترادا- تسيرك كوللەدجى - 65 ورىن، 70 ورىن الەكساندر سەلەزنيەۆ اتىنداعى الماتى حورەوگرافيالىق ۋچيليشەسىنە، 60 ورىندى ورال تاڭسىقبايەۆ اتىنداعى الماتى ساندىك - قولدانبالى ونەر كوللەدجى الدى، پ. چايكوۆسكيي اتىنداعى الماتى مۋزىكالىق كوللەدجىنە 105 ورىن ءبولىندى»، - دەلىنگەن ءمينيستردىڭ جازباسىندا.
سپورت سالاسىندا تەحنيكالىق جانە كاسىپتىك، ورتا بىلىمنەن كەيىنگى ءبىلىمى بار كادرلاردى دايارلاۋعا ورىندار بىلايشا ءبولىندى: كاركەن احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ- ينتەرنات- كوللەدجىنە 40 ورىن، رەسپۋبليكالىق سپورت كوللەدجىنە - 80 ورىن، الماتى قالاسىنىڭ «شاڭىراق» شاعىن اۋدانىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ- ينتەرنات- كوللەدجىنە - 20 ورىن ءبولىندى، قاجىمۇقان مۇڭايتپاسوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ- ينتەرنات- كوللەدجىنە - 40. ريددەر قالاسىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ- ينتەرنات- كوللەدجىنە - 20 ورىن.
