ا ق ش يراكقا 167-اۋە سوققىسىن ويداعىداي وتكەردى

بۇل تۋرالى پەنتاگوننىڭ باسپا ءسوز قىزمەتىنە سىلتەمە جاساي وتىرىپ، ۆاشينگتونداعى مەنشىكتى ءتىلشىمىز جىگەر سارسەن حابارلايدى.

كەزەكتى اۋە سوققىلارى ادەتتەگىدەي يراك جەرىندەگى امەريكالىق ديپلوماتتار مەن ولار ورنالاسقان نىسانداردى قورعاۋعا جانە يراكتىق قارۋلى كۇشتەرگە قولداۋ كورسەتۋ ماقساتىندا جۇزەگە اسىرىلىپ وتىر.

وسىلايشا سوڭعى 2 كۇن ىشىندە ا ق ش جويعىش ۇشاقتارى باعدادتىڭ وڭتۇستىك-باتىسى مەن يراكتىق كۇردىستاننىڭ استاناسى سانالاتىن ەربيل قالاسىنىڭ سولتۇستىك اۋماعىندا 5 اۋە سوققىسىن جاسادى. ناتيجەسىندە تەرروريستىك توپتىڭ زەڭبىرەگى تالقاندالىپ، ەۋفرات وزەنىندە لاڭكەستەردى ۇدايى جاراقتاندىرىپ كەلگەن ەكى قايىقتىڭ كوزى جويىلدى.

سونداي-اق بىرنەشە اسكەري جۇك كولىكتەرى ىستەن شىعىپ، وق اتۋ نىساندارى جەرمەن جەكسەن بولدى. جالپى ا ق ش اسكەريلەرى 8 - تامىزدان بەرى يراك اۋماعىندا لاڭكەستەرگە قارسى وسىمەن 167-اۋە شابۋىلىن ويداعىداي وتكەرىپ وتىر.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى