الماتىدا لاڭكەستىككە قاتىسى بار دەگەن كۇدىكپەن تاعى 1678 ادام ۇستالدى

كومەنداتۋرا مالىمەتىنشە، الاتاۋ جانە مەدەۋ اۋداندارىنىڭ اۋماعىندا لاڭكەستەردەن تازارتۋ جۇمىستارى جۇرگىزىلدى.

«لاڭكەستىك، توناۋ جانە باسقا دا قىلمىستاردىڭ 1678 قاتىسۋشىسى ۇستالدى. زاڭسىز اينالىمنان 36 بىرلىك اتىس قارۋى مەن 1476 وق-ءدارى تاركىلەندى. الماتىنىڭ شەتىندە ورنالاسقان 5 بلوك- بەكەتتە 38 ادام ۇستالدى. «102» پۋلتىنە 881 حابارلاما كەلىپ ءتۇستى. كومەنداتۋرانىڭ كولل-سەنترىنە ازاماتتاردان جەدەل ارەكەت ەتۋدى تالاپ ەتەتىن 136 دابىل ءتۇستى. بارلىق حابارلاما وڭدەلدى»، - دەدى الماتى قالاسىنىڭ كومەندانتى قانات تايمەردەنوۆ.

سونىمەن قاتار، ول تۇرعىنداردى كومەندانتتىق ساعاتتى بۇزباۋعا شاقىردى.

«مەن الماتى قالاسىنىڭ كومەندانتى رەتىندە ازاماتتارعا ۇندەۋ جولدايمىن. ارانداتۋشىلارعا ەرمەي تەك رەسمي دەرەكتەردەن الىنعان اقپاراتتاردى قولدانىڭىزدار. زاڭ تالاپتارىن قاتاڭ ساقتاپ، قولدانىلىپ جاتقان شارالارعا تۇسىنىستىكپەن قاراۋلارىڭىزدى سۇرايمىن»، - دەدى ول.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى