ءبىر تاۋلىكتە كوروناۆيرۋستان 165 ادام قايتىس بولدى

ءبىر كۇن بۇرىن گەرمانيادا ك ۆ ي جۇقتىرعانداردىڭ تاۋلىكتىك ماكسيمۋمى تىركەلدى - 33949 ادام، 165 ناۋقاس قايتىس بولدى.

بۇل تۋرالى قازاقپارات Covid-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىنا سىلتەمە جاساپ حابارلايدى.

ءبىر اپتا بۇرىن 24 ساعاتتىق كورسەتكىش 28037 جاعدايدى قۇرادى. وسىلايشا، COVID-19 تارالۋ اۋقىمى 4672368 ادامدى قۇرادى، ءولىم سانى - 96192. كوروناۆيرۋس وسىنداي قارقىنمەن تارالسا، جاقىندا جۇقپالى اۋرۋحانالاردا ورىندار بولمايدى دەپ مالىمدەيدى دارىگەرلەر.

بۇگىنگى تاڭدا 12 جاستان باستاپ گەرمانيا تۇرعىندارىنىڭ 66,8 پايىزى COVID-19 عا تولىق ەگىلدى.

وكسفوردتىڭ امەريكاندىق زەرتتەۋشىلەرى LZTFL1 گەنىن انىقتادى، ولار COVID -19 ۆيرۋس ينفەكسياسىنىڭ اۋىرۋ اعىمىنىڭ اۋىر تۇردە ءوتۋ قاۋپىن ارتتىرادى دەپ بولجايدى. گەنومدىق تالداۋ ناتيجەسىندە تىنىس الۋ جەتكىلىكسىزدىگى قاۋپىنىڭ ەكى ەسە ارتۋىمەن بايلانىستى حروموسومانى انىقتادى.

عالىمداردىڭ پىكىرىنشە، بۇل گەن وڭتۇستىك ازيادان شىققان ادامداردىڭ 60 پايىزىندا جانە ەۋروپالىقتاردىڭ تەك 15 پايىزىندا كەزدەسەدى. بۇل ۇلى بريتانياداعى ازيالىق دياسپورالاردا ءولىمنىڭ جوعارى دەڭگەيىن ءتۇسىندىرۋى مۇمكىن.

زەرتتەۋ جەتەكشىلەرىنىڭ ءبىرى پروفەسسور دجەيمس دەۆيس جوعارى گەنەتيكالىق قاۋىپ ۆاكسيناتسيا ارقىلى زالالسىزداندىرىلۋى مۇمكىن دەپ سانايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى