قىتايدا 165 ادامنىڭ ءومىرىن قيعان قويماداعى جارىلىسقا كىنالىلەرگە ۇكىم شىعارىلدى

سوت جارىلىسقا جاۋاپتى 49 ادامعا ۇكىم شىعاردى، دەپ حابارلايدى شينحۋا. قايعىلى وقيعا تيانجيننىڭ جاڭا اۋدانى اۋماعىندا قاۋىپتى زاتتار تولى "جۋيحاي" كومپانياسىنىڭ قويماسىندا بولدى. بۇل اپاتتان 165 ادام قازا تاپتى، ال 8 ادام ءىز-ءتۇزسىز جوعالعاندار ەسەبىندە. جارىلىستان، ودان تۋىنداعان ورتتەن تاعى 798 ادام جاراقاتتانىپ، اۋرۋحاناعا ءتۇستى. سوتتالعاندار اراسىندا "جۋحاي" كومپانياسى باسقارماسىنىڭ ءتوراعاسى يۋي سيۋيەۆەي بار. سوت ونى ەكى جىلعا كەيىن شەگەرىلۋىمەن ءولىم جازاسىنا كەستى جانە 700 مىڭ يۋان ايىپپۇل تولەيدى.

"جۋيحاي" كومپانياسى باسقارماسى ءتوراعاسىنىڭ ورىنباسارى دۋن شەسيۋان، باس ديرەكتور جي فەن جانە وزگە ءۇش قىزمەتكەر 15 جىل مەرزىمنەن باستاپ ءومىر بويى باس بوستاندىقتارىنان ايىرىلدى. تاعى 7 قىزمەتكەر 3 -10 جىل ارالىعىندا سوتتالدى. كومپانيانىڭ بۇدان باسقا دا جاۋاپتى قىزمەتكەرلەرى ومىرلەرىنىڭ 1-7 جىلدارىن تەمىر توردىڭ ار جاعىندا وتكىزەتىن بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى