كۇرد كۇشتەرى 163 ەلدى مەكەندى «يسلام مەملەكەتى» باسقىنشىلىعىنان بوساتىپ الدى
ەسكە سالا كەتەيىك، سيريا-تۇرىك شەكاراسىنداعى كوباني قالاسىن وتكەن جىلى «يسلام مەملەكەتىنىڭ» سودىرلارى جاۋلاپ العان. سول كەزدەن باستاپ مۇندا يسلام راديكالدارى جانە يراكتىق كۇردىستاننىڭ اسكەري كۇشتەرى اراسىنداعى قاقتىعىس باستالدى.
«ال ارابيا» اراب ارناسى سوڭعى ءۇش اپتادا كۇردتەر كوباني قالاسى مەن ونىڭ ماڭىنداعى ەلدى مەكەندەردى باقىلاۋعا العانىن ءمالىم ەتتى.
قازىرگى ۋاقىتتا «يسلام مەملەكەتىمەن» قاقتىعىس وشاعى اين ال- اراب قالاسىنىڭ ماڭىنا كوشتى. سيريانىڭ سولتۇستىك جانە شىعىس اۋماقتارى، سونىڭ ىشىندە الەپپودان سولتۇستىككە قاراي ورنالاسقان اۋماق جانە راككا پروۆينتسياسىنان يراك شەكاراسىنا دەيىنگى وڭتۇستىك- شىعىس ءدالىزى «يسلام مەملەكەتى» سودىرلارىنىڭ قولىندا.
