قازاقستاندىقتاردان ءۇش كۇندە 162 قارۋ تاركىلەندى - ءى ءى م
بۇل تۋرالى ق ر ىشكى ىستەر مينيسترلىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
قازاقستاندا 18-20- ناۋرىز كۇندەرى ارالىعىندا «قۇقىقتىق ءتارتىپ» جەدەل-الدىن الۋ شاراسى ءوتتى.
«جەدەل-الدىن الۋ شاراسىن وتكىزۋ كەزىندە بارلىعى 1,5 مىڭ قىلمىس تىركەلدى. سونىڭ ىشىندە قوعامدىق ورىنداردا - 205، كوشەلەردە - 61 قىلمىس ەسەپكە الىندى. ءىزى سۋىماي اشىلعان قىلمىستار %60 قۇرادى. تىيىم سالىنعان زاتتاردى ساقتاپ، تاسىمالداعانى ءۇشىن - 192 ادام، سونىڭ ىشىندە ەسىرتكى زاتتارىن ساقتاعانى ءۇشىن 48 ادام ۇستالدى»، - دەلىنگەن حابارلامادا.
سونداي-اق 3,6 كەلى ەسىرتكى، ناقتىراق ايتقاندا 770 گرام گەروين تاركىلەندى، 162 دانا قارۋ، 16 دانا جارىلعىش قۇرىلعى مەن وق-دارىلەر الىندى.
«بۇعان قوسا، 40299 اكىمشىلىك قۇقىقبۇزۋشىلىق، دالىرەك توقتالساق 2632 ۇساق بۇزاقىلىق، 4653 سپيرتتىك ىشىمدىك ءىشۋ نەمەسە قوعامدىق ورىندارعا ماس كۇيىندە كەلۋ فاكتىسى، جولاۋشىلاردى زاڭسىز تاسىمالداۋدىڭ - 103 فاكتىسى تىركەلدى»، - دەپ حابارلادى ق ر ءى ءى م باسپا ءسوز قىزمەتىنەن.
سونىمەن قاتار قازاقستان اۋماعىندا تۇرۋ ەرەجەسىن بۇزۋدىڭ - 3638، ۇيالى تەلەفونداردى پايدالانۋ ەرەجەسىن بۇزۋدىڭ - 3243، جىلدامدىقتى شامادان تىس ارتتىرۋدىڭ 6392 فاكتىسى ەسەپكە الىندى. مۇنىڭ ىشىندە 124 ءى جولدىڭ قارسى بەتىنە شىعۋ، 160 ى تەمىر جولدان ءوتۋ ءتارتىبىن بۇزۋ، 376 سى اۆتوكولىكتى ماس كۇيىندە باسقارۋعا قاتىستى.
سونىمەن بىرگە قازاقستان رەسپۋبليكاسىندا بولۋ ءتارتىبىن بۇزۋدىڭ 1826 مىڭ فاكتىسى انىقتالدى. قابىلداپ- تاراتۋ ورىندارىنا 461 ادام جەتكىزىلدى. ونىڭ 313 ءى شەتەل ازاماتى. ۋاقىتشا بەيىمدەۋ ورتالىعىنا 1495 مىڭ ادام جىبەرىلدى. ىشكى ىستەر ورگاندارىنىڭ فوتو-بەينە ەسەبىنە 5501 ادام قويىلدى.
مينيسترلىكتىڭ مالىمەتىنە سۇيەنسەك، جەدەل الدىن الۋ شاراسى باستالعاننان 24 مال ۇرلىعى تىركەلىپ، ونىڭ ىشىندە بۇرىن ۇرلانعان مالداردىڭ 36 فاكتىسى اشىلدى.
