قىتايدا كوروناۆيرۋسقا قارسى 160 ميلليون دوزا ۆاكسينا ەگىلدى
بۇل تۋرالى ق ح ر دەنساۋلىق ساقتاۋ ىستەرى بويىنشا مەملەكەتتىك كوميتەتتەن ءمالىم ەتتى، دەپ حابارلايدى قازاقپارات ءتىلشىسى.
سوڭعى دەرەكتەرگە سايكەس، قىتايدا COVID-19 عا قارسى ۆاكسينانىڭ بارلىعى 161,12 ميلليون دوزاسى سالىندى. سونىمەن قاتار سەنبى كۇنى قىتايدىڭ قۇرلىقتىق بولىگىندە كوروناۆيرۋس جۇقتىرۋدىڭ جەرگىلىكتى وقيعالارى تىركەلمەدى.
جەكسەنبى كۇنى تاراتىلعان ۆەدومستۆو ەسەبىنە سايكەس، انىقتالعان بارلىق 10 جاڭا وقيعا شەتەلدەن اكەلىنگەن.
بۇعان دەيىن كوروناۆيرۋستىڭ جەرگىلىكتى وشاعى رەتىندە تىركەلگەن قىتايدىڭ وڭتۇستىك-باتىسىنداعى يۋننان پروۆينتسياسى جۋيلي قالاسىندا تۇرعىنداردى COVID-19-دىڭ نۋكلەين قىشقىلدارىنا تەستىلەۋدىڭ ءۇشىنشى كەزەڭى باستالدى.
ەكىنشى كەزەڭ ناتيجەسى بويىنشا 380 مىڭ سىنامانىڭ 18 ءى وڭ بولىپ شىقتى. سوڭعى دەرەكتەرگە سايكەس، يۋننان پروۆينتسياسىنىڭ اۋرۋحانالارىندا كوروناۆيرۋس راستالعان - 88 جانە سيمپتومسىز - 39 ناۋقاس ەمدەلۋدە نەمەسە مەديتسينالىق باقىلاۋدا جاتىر.
