دينا نۇرپەيىسوۆا - 160 جىل: «قورقىت» ءانسامبلى كۇي شەرتۋ ەستافەتاسىن باستادى

بيىل حالىق ءارتىسى، كۇيشى، كومپوزيتور، قازاق مۋزىكا مادەنيەتىنىڭ اسا كورنەكتى قايراتكەرى دينا نۇرپەيىسوۆانىڭ تۋعانىنا 160 جىل تولادى. وسىعان وراي گيننەستىڭ رەكوردتار كىتابىنا ەنگەن «قورقىت» ەتنوانسامبلى سازگەردىڭ كۇيلەرىن شەرتۋ ەستافەتاسىن قولعا الدى.

ونەر ۇجىمى دينا نۇرپەيىسوۆانىڭ «ناۋاي» كۇيىن ورىندادى.

«ەستافەتانى قۇرمانعازى اتىنداعى قازاق ۇلتتىق وركەسترى، دينا نۇرپەيىسوۆا اتىنداعى اتىراۋ وبلىستىق اكادەميالىق قازاق حالىق اسپاپتار وركەسترىنە جانە «ورال سازى» فولكلورلىق- ەتنوگرافيالىق انسامبلىنە جولدايمىز» دەپ جازادى انسامبل Instagram پاراقشاسىندا.

ايتا كەتەيىك، دينا نۇرپەيىسوۆا 1861-جىلى باتىس قازاقستان وبلىسىندا تۋعان. 8 جاسىنان ونەردىڭ قىر-سىرىن ۇيرەنىپ، دومبىرا شەرتە باستاعان. اتاقتى كۇيشى قۇرمانعازى ساعىرباي ۇلىنىڭ شاكىرتى.

1934 -جىلى ماسكەۋدە وتكەن حالىق اسپاپتارىندا ورىنداۋشىلاردىڭ بۇكىل وداقتىق كونكۋرسىنا قاتىسىپ، ءبىرىنشى جۇلدەگە يە بولعان. 1944-جىلى تاشكەنتتە ورتا ازيا جانە قازاقستان ادەبيەتى مەن ونەرىنىڭ ون كۇندىگىندە وزىق ونەرىمەن، شىنايى ورىنداۋشىلىعىمەن تىڭداۋشىلارىن تاڭداندىردى.

دينانىڭ «تويباستار»، «جەڭىس»، «اسەم قوڭىر»، «سەگىزىنشى مارت»، «ساۋىنشى» جانە باسقا تۋىندىلارى - ماڭگى جاسايتىن مۋزىكالىق مۇرا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى