تەڭىز كەنىشىندە كوروناۆيرۋس جۇقتىرعاندار 160 قا جەتتى

وڭىرلىك جەدەل شتابتىڭ حابارلاۋىنشا، بۇگىن اتىراۋ وبلىسىندا كوروناۆيرۋس ينفەكتسياسىن جۇقتىرعان 226 ادام تىركەلگەن. سونىڭ ىشىندە تەڭىز كەن ورنىندا Covid-19 ىندەتىنىڭ تاعى 15 جاڭا جاعدايى تىركەلدى. ناۋقاستار اراسىندا ون ەر ادام جانە بەس ايەل بار. ولار كەن ورنىنان تۇرعىلىقتى جەرىنە جەتۋ دايىندىعىنان وتكەن جۇمىسشىلار. الگوريتمگە ساي، جۇمىس ورنىنان شىعار الدىندا قىزمەتكەرلەردەن اناليز الىنعان. پ ت ر دياگنوستيكالىق تەستىلەۋ ناتيجەسىندە Covid-19 دياگنوزى راستالدى. قازىرگى ۋاقىتتا ناۋقاستاردىڭ جاعدايى قاناعاتتانارلىق. بەكىتىلگەن حاتتاماعا سايكەس ەم الۋدا. ناۋقاستارمەن بايلانىستا بولعان ادامدار انىقتالىپ، بارلىعى مەديتسينالىق باقىلاۋعا الىنعان. ينفەكتسيا وشاعىنا دەزينفەكتسيا جۇمىستارى جۇرگىزىلىپ جاتىر. ەسكە سالا كەتەلىك، بۇگىن، 6 - مامىردا اتىراۋ وبلىسىندا 226 ادامنان COVID-19 ىندەتى انىقتالدى. ونىڭ ىشىندە 160 ادام - تەڭىز كەن ورنىنداعى جۇمىسشىلار. قاۋىپتى ىندەتتەن 78 ادام ەمدەلىپ شىقتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى