پاۆلودار وبلىسىندا ءماشھۇر ءجۇسىپتىڭ 160 جىلدىق مەرەيتويى اتالىپ ءوتتى
مۇندا 35 كيىز ۇيدەن قۇرىلعان ەتنواۋىل بوي كوتەرىپ، ايتىس ۇيىمداستىرىلدى، كيىز ءۇي قالاشىعى ەسكەلدى شاتقالىنان ورىن الدى. 2006 - جىلى سالىنعان ءماشھۇر ءجۇسىپ كوپەيەۆتىڭ ماۆزولەي كەشەنىندە دۇعا وقىلعاننان كەيىن حالىقتىق مەرەكەلەۋ باستالدى. ەتنواۋىلدا ساۋدا ۇيىمداستىرىلدى.
بالالار اۋە شارلارىن اسپانعا جىبەرىپ، سۋرەتشىلەر كوپشەلى پلەنەرگە قاتىستى. تاريحي تۇلعانىڭ مەرەيتويىنا بەس مىڭنان استام ادام جينالدى. پاۆلودار وبلىسىنىڭ اكىمى شاتىردىڭ استىندا تاريحشىلارمەن جانە ادەبيەتشىلەرمەن كەزدەستى. ولاردىڭ ىشىندە ءماشھۇر ءجۇسىپتىڭ شىعارماشىلىعىن زەرتتەۋشىلەر دە بار. كەزدەسۋدىڭ قۇرمەتتى قوناقتارىنىڭ اراسىندا پروفەسسور، ۇلتتىق اكادەميانىڭ جازۋشىسى مەرۋەرت ابۋسەيىتوۆا مەن پروفەسسور، فيلوسوفيا عىلىمدارىنىڭ دوكتورى اياجان ساعيت قىزى دا بولدى.
- پاۆلودار وبلىسى ءاردايىم تالانتتى بابالارىنا قۇرمەت كورسەتە بىلەدى، - دەدى بولات باقاۋوۆ. - جۋىردا عانا سۇلتانماحمۇت تورايعىروۆتىڭ 125 جىلدىعىن اتاپ وتسەك، بۇگىن ءماشھۇر ءجۇسىپ بابامىزدى ەسكە الىپ وتىرمىز. جەرلەستەرىمىزدىڭ تۋعان ولكەسىندە كوپتەگەن ءىس اتقارىلۋدا. وسكەلەڭ ۇرپاقتى تاربيەلەۋ باعىتىندا جۇمىس جاسالۋدا. مۇنداي مەرەكەگە جۇرتشىلىقتىڭ بالالارىمەن كەلىپ جاتقانىنا وتە قۋانىشتىمىن. سەبەبى، ولار قازاق ەلىنىڭ سالت- ءداستۇرى مەن مادەنيەتىنە تەرەڭ بويلاپ، ەلى مەن جەرىنە دەگەن پاتريوتتىق سەزىمدى سىڭىرەدى».
وبلىستىق ايتىستىڭ قاتىسۋشىلارى دا باستى ساحنادا حالىققا جانە وتانىنا دەگەن سۇيىسپەنشىلىگىن جەتكىزدى. جاس اقىندار ءۇش جۇپقا ءبولىنىپ، ولەڭ قۇراستىرۋدان سىنعا ءتۇستى. ءار قاتىسۋشىعا 15 مينۋت ۋاقىت بەرىلدى. سول قىسقا ۋاقىتتىڭ ىشىندە ايتىسكەرلەر جەرلەستەرىمەن امانداسىپ، كورەرمەندەردىڭ كوڭىلىن كوتەرىپ قانا قويماي، قارسىلاستارىن سوزبەن قاداپ ۇلگەردى. كەيبىر اقىندار وبلىس اكىمىنە باياناۋىل اۋدانىندا وتكىزىلىپ وتىرعان شارا ءۇشىن العىستارىن جەتكىزدى. ايتىستىڭ قورىتىندىسى بويىنشا جاڭاجول اۋىلىنىڭ جەرگىلىكتى تۇرعىنى تىلەك سەيىتوۆ جەڭىمپاز اتاندى.
فوتو: pavlodarnews.kz/ۆالەريي بۋگايەۆ
