سايران كولىندەگى جاعاجايدى اباتتاندىرۋعا 160 ميلليون تەڭگە جۇمسالدى - فوتو
جىل باسىنان بەرى 5700 شارشى مەتر جاعاجاي الاڭى كورىكتەندىرىلدى. شىعىس جاعالاۋدا 1400 شارشى مەتر جەرگە قۇم توسەلىپتى.
«الماتى اكىمدىگى المالى جانە اۋەزوۆ اۋدانى اكىمدىكتەرىنىڭ اپپاراتىنا قىسقا ۋاقىت ىشىندە اباتتاندىرۋ جۇمىستارىن جۇرگىزۋدى تاپسىردى. بۇل جۇمىستار دەر كەزىندە اتقارىلدى. جاعاجايدى كورىكتەندىرۋ ءۇشىن قۇم قاپشاعايدان جەتكىزىلدى. قۇتقارۋ قىزمەتى مەن پوليتسيا دەمالۋشىلاردىڭ قاۋىپسىزدىگى ءۇشىن تاۋلىك بويى كەزەكشىلىكتە تۇر»، - دەپ حابارلادى الماتى قالاسى تابيعي رەسۋرستار جانە تابيعاتتى پايدالانۋدى رەتتەۋ باسقارماسى باسشىسىنىڭ مىندەتىن اتقارۋشى ەركەبۇلان ورازالين.
ونىڭ ايتۋىنشا، كولدە دەمالۋ تەگىن. سايراندا كۇنىنە ورتاشا 2 مىڭعا جۋىق ادام شومىلادى ەكەن.
بۇرىن نەگىزگى جاعاجاي الاڭى تەك كولدىڭ شىعىس بولىگىندە بولاتىن. اباتتاندىرۋدان كەيىن باتىس بولىگىندە دە دەمالۋعا مۇمكىندىك تۋىپ وتىر، جاعجاي اۋماعى 700 مەترگە دەيىن كەڭەيدى.
جاعاجايدا قوعامدىق تاماقتانۋ ورىندارى جۇمىس ىستەيدى، مۇندا قايىقتى جالعا الۋعا بولادى. كيىم ىلگىشتەر، اجەتحانالار، دۋش ورناتىلعان.
