ەلوردادا 160 مىڭ شارشى مەتردەن استام گۇل وتىرعىزىلدى

«استانا-زەلەنستروي» ا ق حابارلاۋىنشا، بيىل قالا اۋماعىندا 160 مىڭ شارشى مەتردەن استام گۇل وتىرعىزىلدى.

گۇلزارلار بىرەگەي ويۋ-ورنەكتەرمەن بەزەندىرىلەدى، ءتۇرلى گۇلدەردىڭ بەينەسى بەدەرلەنەدى.

كۇن سايىن كوممۋنالدىق قىزمەتتەر گۇل سۋارۋ جۇمىستارىن جۇرگىزەدى. مىسالى، «الماتى» مەن «سارىارقا» اۋداندارىندا گۇل سۋارۋ جۇمىستارىنا ءبىر كۇننىڭ ىشىندە 180 تەكشە مەتر، ال «ەسىل» اۋدانىندا 120 تەكشە مەتر سۋ پايدالانىلادى.

ەسكە سالا كەتەيىك، بيىل استانا اۋماعىندا «ءالپى توبەشىكتەرى» ويۋى سالىنعان جاڭا گۇلزارلار جاستار شاعىن اۋدانىندا، پۋشكين كوشەسىندە، قۇدايبەردى ۇلى كوشەسىندە، دوستىق كوشەسى جانە قابانباي باتىر داڭعىلىندا جاسالادى.

گۇلمەن ورنەكتەلگەن پىشىندەردى استانالىق سيرك الاڭىندا، «بايتەرەك» مونۋمەنتىنىڭ الدىندا، جاڭا الاڭدا جانە وتان قورعاۋشىلار مونۋمەنتىنىڭ الدىنداعى الاڭدا تاماشالاۋعا بولادى. سونىمەن بىرگە، دوستىق كوشەسى مەن تۇران داڭعىلىندا دا گۇل كومپوزيتسيالارى قولعا الىنباق.

ب. مومىش ۇلى داڭعىلىنىڭ بويىندا تىرەك قابىرعالارعا دەكوراتيۆتى بۇتالار مەن كوپجىلدىق گۇلدەر ورناتىلادى، دەپ حابارلايدى astana.k.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى