استانانىڭ 1600 تۇرعىنى قىسقى مارافوندا جۇگىردى
مارافون ۇيىمداستىرۋشىلارى ءمالىم ەتكەندەي، استانالىقتارمەن ءبىر مەزگىلدە ەلىمىزدىڭ بىرنەشە قالاسىندا 300-گە جۋىق ادام بەلگىلەنگەن قاشىقتىقتاردى جۇگىرىپ ءوتتى.
جارىس بۇقارالىق سپورتتى دامىتىپ، سالاۋاتتى ءومىر سالتىن ناسيحاتتاۋعا باعىتتالعان. ەرەجە بويىنشا مارافونعا 12-74 جاس ارالىعىنداعى قاتىسۋشىلار جىبەرىلدى. ءتورت ديسسيپلينا بولدى - 42, 21, 10 جانە 5 شاقىرىم. ءبىراق ايازعا بايلانىستى 42 شاقىرىم 21-گە قىسقارتىلدى.
5 شاقىرىم قاشىقتىقتا ەرلەر اراسىندا سەرىك يسمايلوۆ (16:51 مينۋت)، سەرىك ايتقازين (16:58)، الەكسەي جدانوۆ (17.18) كوش باستادى. ايەلدەر اراسىندا ادەل شاحايدار (18:42)، پاك يانا (21:33)، ازيا جىلانبايەۆا (25:26) وزىپ كەلدى.
10 شاقىرىم قاشىقتىقتا ەرلەر اراسىندا ميراس جەتىبايەۆ (38:02)، رۋستام ءساتجانوۆ (38:24) پەن دياس جەتىبايەۆ (38:26) ۇزدىك دەپ تانىلسا، ايەلدەر اراسىندا زارينا مەنتايەۆا (46:07)، ەلۆيرا نۇرمۇستافينا (51:24) جانە جازيرا ورالبەكوۆا (52:33) جۇلدەگەر اتاندى.
ەڭ ۇزاق ديسسيپلينا - 21 شاقىرىمدا ەرلەر اراسىندا مارەگە العاش جەتكەن بازارباي داۋىتاليەۆ (01:15:52)، اكىم ەركەباي (01:18:02)، يلدار حاليۋلين (01:20:48)، الەكسەي مەشالكين (01:20:52)، سۇندەت قايىرتايەۆ (01:23:04)، ساعىندىق ەرماعامبەت (01:24:04) ەستەلىك سىيلىقتارمەن ماراپاتتالدى.
ايەلدەر اراسىندا 21 شاقىرىمدا تاتيانا ميرگورودسكايا (01:38:13)، جانەركە نۇرباي قىزى (01:42:19)، گۇلميرا امەنوۆا (01:43:13)، اسەل قۇسپانوۆا (01:47:31)، كسەنيا اسينسكايا (01:47:56)، پاۋلينا لەيمان (01:52:03) ۇزدىك بولدى.
ايتا كەتەيىك، استاناداعى قىسقى مارافون بيىل ەكىنشى رەت ۇيىمداستىرىلدى. 2017 -جىلى العاش رەت ۇيىمداستىرىلعان قىسقى مارافوندا 400-گە جۋىق ادام جۇگىرگەن ەدى.
