ۇلتتىق بانك بازالىق ستاۆكانى 16,75 پايىز دەڭگەيىندە ساقتاپ قالادى
بۇل شەشىم ينفلياتسيانىڭ ۇلتتىق بانكتىڭ بولجامدارىنا سايكەس كەلۋىنە بايلانىستى قابىلداندى.
ىشكى جانە سىرتقى ينفلياتسيالىق پروتسەستەر ديناميكاسى، سونداي-اق ەكونوميكالىق ءوسۋ تراەكتورياسى ۇلتتىق بانك بولجامىنىڭ بازالىق ستسەنارييىنە سايكەس قالىپتاسۋدا. ايلىق ينفلياتسيا بىرتىندەپ باياۋلاپ كەلەدى، ءبىراق ول ءوزىنىڭ ورتاشا جىلدىق ماندەرىنەن جوعارى كۇيىندە قالىپ وتىر.
ينفلياتسيالىق تاۋەكەلدەردىڭ بالانسى پروينفلياتسيالىق كۇيىن ساقتاپ قالدى، سەبەبى ينفلياتسيانىڭ ورنىقتى بولىگى جوعارى قالىپتاسىپ، ينفلياتسيالىق كۇتۋلەر قارقىن الدى.
لوگيستيكالىق تىزبەكتەردىڭ قۇرىلىمدىق وزگەرۋى ەكونوميكاعا تەرىس ىقپالىن تيگىزىپ كەلەدى. ساقتالىپ وتىرعان تاۋەكەلدەر بازالىق مولشەرلەمەنى ۇزاق ۋاقىت ىشىندە اعىمداعى ماندەردە ۇستاپ تۇرۋدى تالاپ ەتەدى.
ينفلياتسيا ۇلتتىق بانكتىڭ كۇتۋلەرىنە سايكەس قالىپتاسىپ وتىر.
ايلىق ينفلياتسيا ديناميكاسى ءۇش اي قاتارىنان باياۋلاۋدى كورسەتىپ، 2022-جىلعى قىركۇيەكتەگى 1,8 پايىزدان جەلتوقساندا 1,2 پايىزعا دەيىن تومەندەدى.
كورسەتكىشتىڭ تومەندەۋىنە قاراماستان، ول ورتاشا جىلدىق ماندەردەن ايتارلىقتاي اسىپ (سوڭعى 5 جىل ىشىندە ورتاشا العاندا جەلتوقساندا - 0,7 پايىز)، جوعارى قالپىندا قالدى.
2022-جىلدىڭ قورىتىندىسى بويىنشا، ينفلياتسيانىڭ جىلدىق ءمانى 20-21 پايىز بولجامدى ءمان ارالىعىندا قالىپتاسىپ، 20,3 پايىزدى قۇرادى. جىلدىق ينفلياتسيا قۇرامىندا ازىق-تۇلىك تاۋارلارى مەن ازىق-تۇلىككە جاتپايتىن تاۋارلار باعاسى ەڭ جوعارى ءوسىمدى كورسەتتى.
اقىلى قىزمەتتەر ينفلياتسياسى وزگەرىسسىز قالدى، وعان تۇرعىن ءۇيدى جالداۋ قۇنىنىڭ تومەندەۋى مەن رەتتەلەتىن قىزمەتتەر باعاسىنىڭ باياۋ ءوسۋى اسەر ەتىپ وتىر.
سونىمەن قاتار، ينفلياتسيانىڭ ورنىقتى بولىگى پروينفلياتسيالىق ورتانىڭ ساقتالۋىن كورسەتتى جانە بۇرىنعىسىنشا جوعارى قالپىندا قالدى.
ينفلياتسيالىق كۇتۋلەر دە قارقىن الدى. ولاردىڭ ءمانى جەلتوقساندا 21,3 پايىزدى قۇراپ، ساۋالناما جۇرگىزىلگەن ساتتەن باستاپ ەڭ جوعارى كورسەتكىشتەردى جاڭارتتى.
حالىق تاراپىنان ينفلياتسيالىق كۇتۋلەردىڭ ءوسۋى ازىق-تۇلىك باعاسىنىڭ وزگەرۋىمەن، سىرتقى وقيعالارمەن جانە جانار-جاعارماي باعاسىنىڭ وزگەرۋىمەن بايلانىستى.
ينفلياتسيالىق كۇتۋلەردىڭ جوعارى جانە تۇراقسىز بولۋى ينفلياتسيانىڭ بولاشاقتا تەز وسۋىنە جانە ونىڭ باياۋلاپ تومەندەۋىنە سەبەپ بولۋى مۇمكىن.
سىرتقى باعالار جالپى بازالىق ستسەناريي شارتتارىنا سايكەس قالىپتاسىپ وتىر. الدىڭعى شەشىمنىڭ ريتوريكاسىنا سايكەس، سىرتقى ينفلياتسيالىق ورتا السىرەۋدە. اقشا-كرەديت تالاپتارىن بارلىق جەردە كۇشەيتۋ اسەرىنەن كوپتەگەن ەلدەردە، ونىڭ ىشىندە ءبىزدىڭ ساۋدا سەرىكتەسىمىز سانالاتىن مەملەكەتتەردە ينفلياتسيالىق پروتسەستەر باياۋلاي باستايدى.
بۇل ازىق-تۇلىكتىڭ الەمدىك باعاسىنىڭ بىرتىندەپ تومەندەۋىمەن قاتار قازاقستانداعى ينفلياتسياعا دا اسەرىن ازايتادى. مۇناي باعاسى بازالىق ستسەناريي بويىنشا 2023-جىلعا باررەلىنە ورتاشا ەسەپپەن بولجانعان 90 ا ق ش دوللارى دەڭگەيىنەن ءسال تومەن قالىپتاسىپ وتىر.
ەكونوميكانىڭ ءوسۋ تراەكتورياسى ۇلتتىق بانك باعالاۋىنىڭ جوعارعى شەگىنە جاقىن قالىپتاستى.
قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ الدىن الا باعالاۋىنا سايكەس 2022-جىلعى قاڭتار-جەلتوقساندا ج ءى ءو- ءنىڭ ءوسۋى 3,1 پايىزدى قۇرادى.
تۇتىنۋ يمپورتىنىڭ ءوسىمى، بولشەك تاۋار اينالىمىنىڭ تۇراقتى ديناميكاسى مەن تۇتىنۋشىلىق كرەديتتەۋ كولەمىنىڭ ارتۋى بايقالادى.
پروينفلياتسيالىق تاۋەكەلدەر ساقتالىپ وتىر. ينفلياتسيانىڭ نەگىزگى تاۋەكەلدەرى - ينفلياتسيالىق كۇتۋلەر جوعارى جانە تۇراقسىز بولعان كەزدە ساۋدا قۇرىلىمىنىڭ وزگەرىسى، جوعارى ازىق-تۇلىك ينفلياتسياسىنىڭ ساقتالۋى، اكىمشىلىك رەتتەۋ كەزەڭىنەن كەيىن رەتتەلەتىن تاۋارلار مەن كورسەتىلەتىن قىزمەتتەرگە ينفلياتسيانىڭ ارتۋى، سونداي-اق جالعاسىپ جاتقان سوعىسقا قاتىستى بەلگىسىزدىكتىڭ جوعارى بولۋى. الەمدەگى رەتسەسسيا تاۋەكەلدەرىنىڭ اياسىنداعى سىرتقى سۇرانىس احۋالى، سونداي-اق لوگيستيكالىق جاعدايلار مۇناي باعاسىنىڭ تراەكتورياسىنا جانە ەكونوميكالىق وسۋگە قاتىستى ايتارلىقتاي بەلگىسىزدىك تۋىنداتادى.
ءىس جۇزىندەگى ينفلياتسيانىڭ بازالىق سەناريگە سايكەس قالىپتاسۋىن ەسكەرىپ، قالىپتاسقان تاۋەكەلدەر بالانسىن نازارعا الىپ، ۇلتتىق بانك بازالىق مولشەرلەمەنى كوتەرۋ تسيكلىن اياقتاپ قالۋعا جاقىنداعانىن جاريا ەتكەن ءوز مالىمدەمەسىندە قالادى. بازالىق مولشەرلەمەنى ودان ءارى كوتەرۋ الەۋەتى شەكتەۋلى.
سونىمەن قاتار، ساقتالىپ وتىرعان پروينفلياتسيالىق تاۋەكەلدەردى ەسكەرە وتىرىپ، ينفلياتسيانى كۇتۋدىڭ جوعارى دەڭگەيدە تۇراقتالۋىنىڭ الدىن الۋ ءۇشىن بازالىق مولشەرلەمەنى ۇزاق ۋاقىت بويى اعىمداعى ماندەردە ۇستاپ تۇرۋ قاجەت.
بازالىق مولشەرلەمە جونىندە كەلەسى شەشىمدى قابىلداعان كەزدە 2023-جىلعى اقپانداعى راۋند ناتيجەسى بويىنشا جاڭارتىلعان بولجام ۇسىنىلادى.
قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتى كوميتەتىنىڭ بازالىق مولشەرلەمە بويىنشا كەزەكتى جوسپارلى شەشىمى 2023-جىلعى 24- اقپاندا استانا قالاسىنىڭ ۋاقىتى بويىنشا ساعات 12:00 دە جاريالانادى.
