قازاقستاندا 16,5 مىڭنان استام مەديتسينالىق مامانعا ۇستەمەاقى تولەندى

بۇل تۋرالى ق ر دەنساۋلىق ساقتاۋ ۆيتسە-ءمينيسترى ءلاززات اقتايەۆا ورتالىق كوممۋنيكاتسيالار قىزمەتىندە وتكەن بريفينگىدە ايتىپ بەردى.

«قازاقستاننىڭ 17 وڭىرىندە مەديتسينالىق ۇيىم قىزمەتكەرلەرىنە ۇستەمەاقى تولىق كولەمدە تولەنگەن. 16500 قىزمەتكەرگە جالپى 3,2 ميلليارد تەڭگە تولەندى. ودان بولەك، ءار وڭىردە پروۆيزورلىق ستاتسيونار ورنالاسقان. وسىلايشا، ينفەكتسيا جۇققان نەمەسە بەلگىلەرى بايقالعان ناۋقاستارعا كوپبەيىندى ستاتسيونار جاعدايىندا مەديتسينالىق كومەك كورسەتىلەدى»، - دەپ اتاپ ءوتتى ۆيتسە-مينيستر.

ونىڭ ايتۋىنشا، مەديتسينالىق قىزمەتكەرلەرگە قورعانىس قۇرالدارىندا ءجۇرۋ مىندەتتەلگەن.

«سونىمەن بىرگە، 1406 بايلانىس ورتالىعى ءالى دە جۇمىس ىستەپ تۇر. مۇندا الەۋمەتتىك مەديتسينالىق ساقتاندىرۋ قورىنىڭ 180 وپەراتورى جۇمىس ىستەيدى. وسى ايدا ورتالىققا 2310 ادام حابارلاستى. بارلىق سۇراقتار بويىنشا وسى نومىرگە حابارلاسۋ قاجەت»، - دەدى ل. اقتايەۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى