قاراعاندىداعى 16 قاباتتى ۇيدە بولعان جارىلىستان 3 ادام قازا تاپتى

قاراعاندى قالالىق توتەنشە جاعدايلار دەپارتامەنتى باسپا ءسوز قىزمەتىنىڭ حابارلاۋىنشا، كەزەكشىلىك بولىمىنە 10-قاڭتار كۇنى ساعات 21:29-دا رەسپۋبليكا داڭعىلى، 18/2 مەكەنجايىندا ءورت بولىپ جاتقانى تۋرالى حابار تۇسكەن. 16 قاباتتى، 127 پاتەرلى تۇرعىن ءۇيدىڭ 8-قاباتىندا جارىلىس بولىپ، ءورت شىققان. وقيعا ورنىن تەكسەرۋ بارىسىندا ءۇش ادامنىڭ دەنەسى تابىلعان (بولجام بويىنشا ەكى ەر ادام مەن ايەل). ت ج د كۇشتەرىنىڭ كومەگىمەن 11 ادام قۇتقارىلدى (ونىڭ ىشىندە 2 بالا). وقيعا ورنىنا ت ج د 88 قىزمەتكەرى جانە بولىمشەلەرىنىڭ 23 تەحنيكاسى جۇمىلدىرىلدى.

تۇرعىنداردى جىلىتۋ ءۇشىن ت ج د 3 ۆاحتالىق كولىگى تارتىلدى.

ساعات 22.55-دە ءورت وقشاۋلاندى. وبلىس اكىمدىگى ەۆاكۋاتسيالانعان ادامداردى قوناق ۇيلەرگە جەتكىزۋمەن اينالىسىپ جاتىر.

وسىعان دەيىن قاراعاندىدا 16 قاباتتى ۇيدە گاز جارىلىپ، تۇرعىندار ەۆاكۋاتسيالانىپ جاتقانى تۋرالى حابارلاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى