قازاقستان- قىتاي شەكاراسىنداعى بەكەتتەر ەكى كۇن جۇمىس ىستەمەيدى

ادەتتە، قولايسىز اۋا رايى جاعدايلارىنا بايلانىستى، اسىرەسە قازاقستان- قىتاي شەكاراسىندا، اۆتوموبيل وتكىزۋ پۋنكتتەرىنىڭ وتكىزۋ مۇمكىندىگى تومەندەۋى مۇمكىن. بۇل وڭىردە تومەن تەمپەراتۋرا مەن قاتتى جەلگە بايلانىستى قىتاي تاراپىنىڭ بەلسەندىلىگى ازايۋى ىقتيمال.

سونىمەن قاتار قازاقستان ۇكىمەتى مەن قىتاي حالىق رەسپۋبليكاسى ۇكىمەتى اراسىنداعى قازاقستان- قىتاي مەملەكەتتىك شەكاراسى ارقىلى وتكىزۋ پۋنكتتەرى تۋرالى كەلىسىمگە سايكەس، ەكى ەلدىڭ مەرەكەلىك كۇندەرىندە وتكىزۋ پۋنكتتەرىنىڭ جۇمىسى ۋاقىتشا توقتاتىلادى.

جاقىن ارادا قازاقستاننىڭ تاۋەلسىزدىك كۇنىن مەرەكەلەۋگە بايلانىستى 2024 -جىلعى 16-17 - جەلتوقسان ارالىعىندا قازاقستان- قىتاي شەكاراسىنداعى اۆتوموبيل وتكىزۋ پۋنكتتەرىندە ادامداردى، كولىك قۇرالدارىن جانە جۇكتەردى وتكىزۋ جۇزەگە اسىرىلمايدى.

قازاقستان- قىتاي شەكاراسىنداعى تەمىرجول وتكىزۋ پۋنكتتەرى شتاتتىق رەجيمدە جۇمىسىن جالعاستىرادى.

وسىعان بايلانىستى، كوميتەت تاسىمالداۋشىلارعا مارشرۋتتاردى الدىن الا تۇزەتىپ، وتكىزۋ پۋنكتتەرى جۇمىسىنىڭ كەستەسىندەگى ىقتيمال وزگەرىستەردى ەسكەرۋدى ۇسىنادى.

- كوميتەت وتكىزۋ پۋنكتتەرى جۇمىسىنىڭ وزگەرۋىنە جەدەل دەن قويۋ جانە تاسىمالداۋشىلاردى ۋاقىتىلى حاباردار ەتۋ ءۇشىن كورشى ەلدەردىڭ قۇزىرلى ورگاندارىمەن بەلسەندى ىنتىماقتاستىق جاساپ جاتىر. ۋاقىتشا قولايسىزدىقتارعا تۇسىنىستىكپەن قاراۋلارىڭىزدى سۇرايمىز، - دەلىنگەن حابارلامادا.

وزبەكستانمەن اراداعى شەكارا ماڭىندا توقىما ءوندىرىسى اشىلاتىنىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى