ساعات 16:00 دە سايلاۋشىلاردىڭ 52,5 پايىزى داۋىس بەردى

بۇل تۋرالى ق ر ورتالىق سايلاۋ كوميسسياسىنىڭ حاتشىسى ءسابيلا مۇستافينا ايتتى، دەپ حابارلايدى قازاقپارات ءتىلشىسى.

«وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ سايلاۋ كوميسسيالارى ۇسىنعان مالىمەتتەرگە سايكەس، ساعات 16:00 دەگى جاعداي بويىنشا سايلاۋ بيۋللەتەندەرىن تىزىمگە ەنگىزىلگەن سايلاۋشىلاردىڭ جالپى سانىنىڭ 52,5 پايىزى الدى.

ولاردىڭ ىشىندە: اقمولا وبلىسى - 56,9، اقتوبەدە وبلىسى - 45,6، الماتى وبلىسى - 58، اتىراۋ وبلىسى - 45,6، باتىس قازاقستان وبلىسى - 53,5، جامبىل وبلىسى - 63,4، قاراعاندى وبلىسى - 58,8، قوستاناي وبلىسى - 62,4، قىزىلوردا وبلىسى - 60,9، ماڭعىستاۋ وبلىسى - 43,3، پاۆلودار وبلىسى - 57,8، سولتۇستىك قازاقستان وبلىسى - 62,4، تۇركىستان وبلىسى - 53,6، شىعىس قازاقستان - 62، نۇر- سۇلتان قالاسى - 44,1، الماتى قالاسى - 25,3، شىمكەنت قالاسى - 49,2 پايىز»، - دەدى ءسابيلا مۇستافينا.

ونىڭ اتاپ وتۋىنشە، سايلاۋشىلاردىڭ سايلاۋ ۋچاسكەلەرىنە كەلۋى تۋرالى كەلەسى اقپارات جەرگىلىكتى ۋاقىت بويىنشا 18:00 جانە 20:00 دە ۇسىنىلادى.

سايلاۋشىلاردىڭ كەلۋى تۋرالى الدىن الا قورىتىندى اقپارات ساعات 22:00 دە بەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى