قازاقستاندا تۇرعىن ءۇيدى پايدالانۋعا بەرۋ %15 ارتتى

بۇل رەتتە تۇرعىن ءۇي قورىنىڭ بارلىعى دەرلىك - %97,7 جەكەمەنشىكتە، تەك %2,3 مەملەكەتتىك مەنشىكتە.

2010-2021 -جىلدار ارالىعىندا تۇرعىن ءۇيدى پايدالانۋعا بەرۋدە تۇراقتى ءوسىم بايقالدى. بەلگىلى ءبىر كەزەڭدەردە ديناميكا جوعارى بولدى، كەي كەزدە باسەڭدەدى. الايدا، 2022 -جىلى بۇل كورسەتكىش العاش رەت تومەندەدى: ءبىر جىلدا %7,4 ازايىپ، 15,7 ميلليون شارشى مەتر بولدى. ال، وسى قۇلدىراۋدان كەيىن بيىلعى العاشقى بەس ايدا پايدالانۋعا بەرىلگەن تۇرعىن ۇيلەردىڭ جالپى اۋدانى 5,5 ميلليون شارشى مەتر بولدى، بۇل - 2022 -جىلدىڭ قاڭتار- مامىرىمەن سالىستىرعاندا 15,4% كوپ. ونىڭ ىشىندە 3,1 ميلليون شارشى مەترى - كوپپاتەرلى ۇيلەر، 2,3 ميلليون شارشى مەترى - جەكە ۇيلەر بار. تۇرعىن ءۇيدىڭ باسىم بولىگى - 5,1 ميلليون شارشى مەترىن نەمەسە جالپى اۋداننىڭ %93,5 ىن جەكە قۇرىلىس كومپانيالارى سالعان.

وڭىرلەر بويىنشا بيىل تۇرعىن ءۇيدى پايدالانۋعا بەرۋ بويىنشا ەڭ جاقسى كورسەتكىش استانادا (1,2 ميلليون ش. م) ، الماتىدا (938,7 مىڭ ش. م) جانە الماتى وبلىسىندا (397 مىڭ ش. م) تىركەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى