استانادا شىعىس ستيلىندەگى حان بازارىنا 15 ءوڭىردىڭ ونىمدەرى قويىلدى - فوتو

«ەجەلگى شىعىس ستيلىندە ۇيىمداستىرىلعان ناعىز حان بازارى كەلۋشىلەر ءۇشىن 5-7-شىلدە ارالىعىندا اشىق بولادى.

جارمەڭكەدە كوكونىستەر مەن ءداندى-داقىلدار، جەمىستەر مەن جيدەكتەر توگىلىپ، ەت، ءسۇت ونىمدەرى ءتىزىلىپ تۇر. سونىمەن قاتار بال مەن شاي، وزگە دە ازىق- تۇلىك ونىمدەرى بار. بۇعان قوسا قازاقتىڭ قولونەر بۇيىمدارى كوزدىڭ جاۋىن الادى.

بۇدان بولەك، تازا اۋادا وتقا پىسكەن شىعىس تاعامدارىنان ءدام تاتۋعا بولادى. بۇل ونىمدەردىڭ بارلىعىن 15 وڭىردەن كەلگەن كاسىپكەرلەر ۇسىنىپ وتىر»، - دەلىنگەن اكىمدىك حابارلاماسىندا.

ەسكە سالايىق، ءدال وسىنداي شىعىس ستيلىندەگى جارمەڭكە ناۋرىز مەرەكەسىنە وراي ۇيىمداستىرىلعان ەدى.

قالالىق ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى ماقسات جاڭابايەۆتىڭ ايتۋىنشا، جارمەڭكەدەگى تاۋارلار باعاسى قالادا جۇرگىزىلگەن مونيتورينگىگە سايكەس 10-15 پايىزعا تومەن.

جارمەڭكەدە ونەرپازدار ءداستۇرلى ءان-جىردان شاشۋ شاشىپ، كەلۋشىلەردىڭ كوڭىلىن كوتەرىپ جاتىر. كەلۋشىلەر باتىرلارشا كيىنگەن اكتەرلەرمەن سۋرەتكە تۇسۋگە اسىعۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى