سولتۇستىك قازاقستاندا جاي ءتۇسىپ، 15 گەكتار اۋماق جانىپ كەتتى - ۆيدەو
الەۋمەتتىك جەلىدە الاپات ءورتتىڭ بەينەجازباسى پايدا بولدى. كۋاگەرلەردىڭ ايتۋىنشا، اققايىڭ اۋدانى رۋبليەۆكا ەلدى مەكەنىنىڭ ماڭى جانىپ، اۋىلعا قاۋىپ ءتوندى.
س ق و توتەنشە جاعدايلار دەپارتامەنتىنىڭ مالىمەتىنشە، كەشە ساعات 14.50 مينۋت كەتكەندە اققايىڭ اۋدانى سميرنوۆ ەلدى مەكەنىندەگى №9-ءورت ءسوندىرۋ بولىمىنە رۋبليەۆكا ەلدى مەكەنىنىڭ ماڭىندا ءورت شىققاندىعى جونىندە حابار تۇسكەن.
وقيعا ورنىنا ءبىر تەحنيكا جانە جەكە قۇرامنان ءۇش ادامى بار كەزەكشى قاراۋىل جەتتى. ماماندار كەلگەندە باتپاقتاعى قامىس جانىپ جاتقان.
ءورتتى سوندىرۋگە، سونداي-اق «ي. زەنچەنكو» ج ش س تەحنيكالارى مەن جۇمىسشىلارى، اققايىڭ ورمان شارۋاشىلىعىنىڭ 6 قىزمەتكەرى مەن 2 تەحنيكاسى جەتتى.
مامانداردىڭ ايتۋىنشا، ءورتتىڭ شىعۋىنا جايدىڭ ءتۇسۋى سەبەپ بولعان.
اققايىڭ اۋدانى توتەنشە جاعدايلار ءبولىمىنىڭ باستىعى ەرجان ءشارىپوۆتىڭ ايتۋىنشا، رۋبليەۆكا ەلدى مەكەنىنە كەلەر قاۋىپ جوق. ءورتتىڭ جولى جىرتىلدى.
«اۋدان اكىمىمەن بىرگە وقيعا ورنىندا ءجۇرمىز. ەكى-ءۇش وشاق قانا قالدى سوندىرىلمەي، ولاردان كەلەر
قاۋىپ جوق، ويتكەنى اينالاسىن ءبارىن جىرتىپ شىقتىق.
Посмотреть эту публикацию в Instagram
قازىر اققايىڭ ورمان شارۋاشىلىعىنىڭ قىزمەتكەرلەرى، جەرگىلىكتى اتقارۋشى بيلىك وكىلدەرى كەزەكشىلىك اتقارىپ جاتىر»، - دەيدى ەرجان ءشارىپوۆ.
