تورەعالي ءتورالىنىڭ قاماۋداعى مەرزىمى تاعى 15 كۇنگە سوزىلدى

بۇل تۋرالى الماتى قالالىق سوتىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

الماتى قالالىق سوتىنىڭ باسپا ءسوز قىزمەتىنەن ءمالىم ەتكەندەي، ا. ەسىمدى ازامات (تورەعالي ءتورالىنىڭ تەگى بويىنشا - اۆت.) 14-ماۋسىم كۇنى الماتى كوشەلەرىندە كولىك جۇرگىزىپ كەلە جاتىپ، تۇتاس قوس جولاقتى جول بەلگىسى بار جەردە بۇرىلعان جانە پوليتسيا قىزمەتكەرلەرىنىڭ زاڭدى تالاپتارىن ورىنداماعان.

وسىعان بايلانىستى ول ق ر اكىمشىلىك قۇقىق بۇزۋ تۋرالى كودەكستىڭ 596-بابى 3-بولىگى (جول بەلگىلەرىنىڭ تۇتاس سىزىعىنان بۇرىلۋ) جانە 667-بابى 1-بولىگى (پوليتسيا قىزمەتكەرىنىڭ تالاپتارىن ورىنداماعانى ءۇشىن) بويىنشا قوسىمشا جاۋاپكەرشىلىككە تارتىلدى. 15 (ون بەس) تاۋلىككە اكىمشىلىك قاماۋعا الىنىپ، 6 (التى) اي مەرزىمگە كولىك قۇرالىن باسقارۋ قۇقىعىنان ايرىلدى.

سوت شەشىمى زاڭدى كۇشىنە ەنگەن جوق.

ەسكە سالا كەتەيىك، 14-ماۋسىم كۇنى الماتىدا ەسىرتكىگە ماسايعان كولىك جۇرگىزۋشى پوليتسەيلەرگە بوي بەرمەي، وقيعاعا ورنىنان قاشپاق بولعانى حابارلانعان ەدى. پاترۋلدىك پوليتسيا قىزمەتكەرلەرى جۇرگىزۋشىنى ۇستاپ، مەديتسينالىق ساراپتاما ناتيجەسىندە ونىڭ ەسىرتكىگە ماس ەكەنى راستالدى. سول كۇنى كولىك جۇرگىزۋشى اكىمشىلىك جاۋاپقا تارتىلدى. ول 20 تاۋلىككە قاماۋعا الىنىپ، 7 جىلعا كولىك جۇرگىزۋ قۇقىعىنان ايرىلدى. سوت وتىرىسىندا قۇقىق بۇزۋشى ءىس ماتەريالدارىندا باياندالعان فاكتىلەردى راستاپ، وكىنەتىنىن ايتقان.

پابليكتەر رەسمي اقپاراتتا «ا. ەسىمدى ازامات» دەپ بەرىلگەن كولىك جۇرگىزۋشىنىڭ تورەعالي ءتورالى (اليحانوۆ - رەد. ) ەكەنىن جاپپاي جازدى. ال، تورەعالي ءتورالىنىڭ قارىنداسى الەۋمەتتىك جەلىدە اعاسى تۋرالى تاراعان اقپاراتتىڭ جالعان ەكەنىن جازدى.

كەيىن تورەعالي ءتورالىنىڭ يزولياتورداعى 20 كۇندىك جازاسىنا تاعى ءۇش كۇن قوسىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى