بوسانعانعا دەيىنگى جاردەماقىنى الۋ مەرزىمى 15 كۇننەن ءبىر ساعاتقا دەيىن قىسقارادى
«بىزگە «Invisible Government» تۇجىرىمداماسى اياسىندا تۇرعىندارمەن جانە بيزنەسپەن ءوزارا ارەكەتتەسەتىن سيفرلىق ينفراقۇرىلىم قۇرۋ مىندەتى قويىلدى. ادام ءومىرىنىڭ ءاربىر كەزەڭىندە - تۋعان ساتتە، بالالىق شاقتا، جوعارى وقۋ ورنىنا تۇسكەندە، وتباسىن قۇرعاندا مەملەكەتپەن ءوزارا ءىس- قيمىل جاسايدى. سوندىقتان ءبىزدىڭ ستراتەگيالىق مىندەتىمىز - ءاربىر ومىرلىك كەزەڭدەگى ءاربىر جاعدايدى تالداۋ، تۇرعىندارعا بارلىق پروتسەستى قالىپتى، تۇسىنىكتى جانە ىڭعايلى ەتۋ. ول ءۇشىن فوكۋس- توپتار جينالىپ، ناقتى مەملەكەتتىك ورگاندار، تسيفرلىق ۆيتسە- مينيسترلەر تارتىلاتىن بولادى»، - دەدى باعدات مۋسين مينيسترلىكتىڭ كەڭەيتىلگەن القا وتىرىسىندا.
ونىڭ ايتۋىنشا، بيزنەس- پروتسەستەردى قايتا قاراعاننان كەيىن ولاردى بارىنشا پرواكتيۆتى قىزمەتتەرگە كوشىرۋ جوسپارلانۋدا.
«مىسال رەتىندە ومىرگە بالا اكەلۋدى ايتايىن. بۇل پروتسەستەگى نەگىزگى پروبلەمالار - كەڭەس الۋ ءۇشىن قايدا بارۋ كەرەكتىگى، قالاي تىركەلۋ جانە بوسانۋعا دەيىنگى جاردەماقىنى الۋ تۋرالى تۇسىنىك جوق. بۇل ماسەلەلەر 50 ادامنان تۇراتىن فوكۋس- توپتا انىقتالدى، ونىڭ قۇرامىندا جۇكتى جانە بوسانعان انالار بولدى. تۇسىنىكسىز پروتسەستەر كوپ، ال انانىڭ بازالىق قاجەتتىلىكتەرىن قاناعاتتاندىرۋ كەرەك. سوندىقتان تۋۋ تۋرالى كۋالىكتى الۋ جانە جاردەماقىنى اۆتوماتتاندىرۋ عانا ەمەس، باسقا دا پروتسەستەر ءجۇرىپ جاتىر. مىسالى، بوسانۋعا دەيىنگى تولەمدى الۋ ءۇشىن 15 كۇن كەتەدى. بيىل ونى ءبىر ساعاتقا دەيىن قىسقارتامىز»، - دەدى مينيستر.
سونىمەن بىرگە، جاس بوسانعان انالاردىڭ تاعى ءبىر ماسەلەسى - پاتروناتتىق مەدبيكەنى شاقىرۋ بولعان.
«ەرەجەگە سايكەس، قامقورشى مەدبيكە ءۇش كۇندە كەلۋى كەرەك، ءبىراق كەي جاعدايدا مەدبيكەلەر كەشىگەدى نەمەسە مۇلدەم كەلمەيدى. سوندىقتان، ءبىز دە بۇل پروتسەستەردى اۆتوماتتاندىرامىز، وسىلايشا كىمنىڭ بارعانىن، كىمگە بارۋ كەرەكتىگىن جانە باسقالارىن كورۋگە بولادى»، - دەپ ءتۇسىندىردى ب. مۋسين.
ايتا كەتەيىك، ەلوردادا سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ كەڭەيتىلگەن القا وتىرىسى ءوتىپ جاتىر، وندا مينيسترلىك جەتەكشىلىك ەتەتىن باعىتتارداعى جۇمىستىڭ قورىتىندىلارى مەن باسىمدىقتارى تالقىلانباق.
