سوماليدە دەپۋتات كەڭسەسىنىڭ جانىندا بولعان ەكى جارىلىستان 15 ادام قازا تاپتى

بۇل تۋرالى Somali Guardian جاڭالىقتار پورتالى مالىمدەگەن، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

ولاردىڭ دەرەگىنشە، مەرت بولعاندار تىزىمىندە رەسمي تۇلعالار دا بار.

سوماليلىك Garowe پورتالى بۇل جانكەشتى لاڭكەستەردىڭ ءىسى دەپ حابارلادى. بيلىك وكىلدەرى جارىلىسقا «اش- شاباب» توبىن ايىپتاپ وتىر.

ماحاس قالاسى سوماليدىڭ ورتالىق بولىگىندە، حيران وبلىسىندا، موگاديشودان سولتۇستىككە قاراي 300 شاقىرىم جەردە ورنالاسقان.

«اش- شاباب» سوماليدە 2004 -جىلى پايدا بولدى. ونىڭ مۇشەلەرى 2008 -جىلدان بەرى جارىلىس ۇيىمداستىرىپ، كۇتپەگەن جەردەن شابۋىل جاساپ كەلەدى.

2010 -جىلى بۇل توپ ەلدىڭ كوپ بولىگىن باقىلاۋدا ۇستادى، ءبىراق 2011 -جىلدىڭ جازىندا موگاديشونى تاستاپ، ەل ۇكىمەتى مەن ولاردىڭ جاقتاستارىنا قارسى پارتيزان كۇرەسىنە كوشۋگە ءماجبۇر بولدى.

2012 -جىلدىڭ اقپانىندا «اش- شاباب» باسشىلارىنىڭ ءبىرى «ال- كايدا» (ق ر، ر ف جانە باسقا دا ءبىرقاتار ەلدە تىيىم سالىنعان) تەرروريستىك ۇيىمىنا قوسىلعاندارىن مالىمدەدى.

دەرەكتەر بويىنشا، «اش- شاباب» قۇرامىندا 10 مىڭ اسكەر بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى