اقتوبەدە ءبىر مەزەتتە 15 مىڭنان استام ادام ءانۇراندى ورىندادى
تۇڭعىش پرەزيدەنت اتىنداعى ساياباقتا وتكەن شاراعا اقتوبە وبلىسىنىڭ اكىمى ەرالى توعجانوۆ، ەڭبەك ارداگەرلەرى، ءماسليحات دەپۋتاتتارى، قوعامدىق كەڭەس مۇشەلەرى، قوعامدىق ۇيىم وكىلدەرى، بەلسەندى جاستار، مەملەكەتتىك مەكەمە باسشىلارى قاتىستى. بارلىعى مىڭنان استام ادام جينالدى. اكسيا بارىسىندا مەملەكەتتىك تۋدى كوتەرۋ ءراسىمى ءوتىپ، ءانۇران ورىندالدى.
«اسا دارىندى قازاق اقىنى جۇبان مولداعاليەۆ كەزىندە مىڭ ءولىپ، مىڭ تىرىلگەن قازاقتىڭ مۇڭىن شاعىپ، «مەن قازاقپىن» دەگەن پوەما جازعان بولاتىن. ول كەزدە بۇل قاۋىپتى ەدى. ءبىراق وسى پوەماسىندا اسا دارىندى اقىن قازاق حالقىنىڭ قايعىسىن، قاسىرەتىن، ۇمتىلىسىن، ارمانىن تۇگەل قامتي جازدى. سونىڭ ىشىندەگى ەڭ باستى ارمان تاۋەلسىزدىككە قول جەتكىزۋ ەدى. ال بۇگىن ءبىزدىڭ ەلىمىزدە ماڭىزدى قۇجات قابىلدانعان كۇن. ءبىزدىڭ نەگىزگى قاعيداتتارىمىز انىقتالدى. مەملەكەتىمىزدىڭ ساياسي-ەكونوميكالىق، الەۋمەتتىك جانە رۋحاني پرينسيپتەرى ايقىندالىپ، بولاشاق مەملەكەتىمىزدىڭ ىشكى جانە سىرتقى ساياساتى، ونىڭ قاۋىپسىزدىگى جانە باسقارۋ جولدارى بەلگىلەندى»، - دەدى فيلوسوفيا عىلىمدارىنىڭ دوكتورى، پروفەسسور التاي تايجانوۆ.
سونىمەن قاتار 12 اۋداندا پاتريوتتىق ءمانى زور سالتاناتتى شاراعا 15 مىڭنان استام ادام قاتىستى.
وبلىس اكىمى باسپا ءسوز قىزمەتىنىڭ حابارلاۋىنشا، رەسپۋبليكا كۇنىنە وراي قايىرىمدىلىق، ەكولوگيالىق، پاتريوتتىق شارالار ۇيىمداستىرىلىپ، الەۋمەتتىك جانە سپورتتىق نىساندار پايدالانۋعا بەرىلدى. ماسەلەن، العا اۋدانىنىڭ التى ەلدى مەكەنىندە سۋدى تازارتاتىن كەشەندى بلوك- مودۋل ورناتىلسا، مارتوك اۋدانىندا ەلەكتروندى قىزمەت كورسەتۋ ورتالىعى اشىلدى. قارعالى اۋدانىندا بەلسەندى ۇزاق ءومىر ءسۇرۋ ورتالىعى، شالقار اۋدانىندا سالاۋاتتى ءومىر سالتىن قالىپتاستىرۋ ورتالىعى ەسىگىن ايقارا اشتى.
بايعانين جانە العا اۋداندارىندا سپورت جانە ويىن الاڭدارى قولدانىسقا بەرىلدى. مۇعالجار اۋدانىنىڭ قاندىاعاش قالاسى مەن ساعا ء شيلى اۋىلىندا كوپسالالى اشىق سپورت الاڭدارى سالىنىپ، شەڭگەلشى، قوجاساي اۋىلدارىنا اۋىز سۋ جەلىسى ىسكە قوسىلدى. تەمىر، قارعالى اۋداندارىندا جاڭا سپورت نىساندارى بوي كوتەرىپ، ويىل اۋدانىنىڭ ءۇشقۇدىق اۋىلىنداعى جانە العا اۋدانىنىڭ جەرۇيىق، قاراعاش، مارجانبۇلاق اۋىلدارىنداعى جولداردى ورتاشا جوندەۋ جۇمىستارى اياقتالدى.
اۆتور
التىناي ساعىندىقوۆا
