قاراعاندىدا كولىگىمەن ءدامحانانى سوققان ماس ايەل 15 تاۋلىككە قامالدى - ۆيدەو

وقيعا سەنبىدەن جەكسەنبىگە قاراعان ءتۇنى بولدى. 28 جاستاعى قاراعاندىلىق ايەل نۇركەن ءابدىروۆ داڭعىلىنان مۇستافين كوشەسىنە بۇرىلا بەرەر جولدا ورنالاسقان ءدامحانانىڭ بۇرىشىنا ۇلكەن جىلدامدىقپەن كەلىپ سوعىلعان.

الايدا، ول جولىنا كەدەرگى بولعان تاماقتانۋ نۇكتەسىن ەلەمەي، ءارى قاراي ۇيىنە بەت العان. وسىلايشا وقيعا ورنىنان قاشىپ كەتپەك بولعان.

كولىكتىڭ ءدال كوورديناتتارى مەن بولعان وقيعا تۋرالى اقپارات پوليتسيانىڭ بارلىق پاترۋل ەكيپاجدارىنا جىبەرىلگەن.

ماس جۇرگىزۋشىنى ءتارتىپ ساقشىلارى كەلەسى كوشەدەن ۇستاپ العان. ايەلدەن الكوگولدىڭ ءيىسى شىققانىنا قاراماستان، ول مەديتسينالىق تەكسەرۋدەن وتۋدەن باس تارتقان. بۇل فاكت رەسمي تىركەلىپ، پوليتسەيلەر بارلىق قاجەتتى ماتەريالداردى جيناپ، ءىستى قاراعاندى قالاسىنىڭ مامانداندىرىلعان اۋدانارالىق اكىمشىلىك سوتىنا جىبەردى.

«كەزەكشى سۋديانىڭ قاۋلىسىمەن ق ر ق ك 610-بابىنىڭ 1-بولىگى، 611-بابىنىڭ 2-بولىگى، 613-بابىنىڭ 4-بولىگىمەن 28 جاستاعى قالا تۇرعىنى 15 تاۋلىككە اكىمشىلىك قاماۋعا الىنىپ، 8 جىل مەرزىمگە كولىك قۇرالىن جۇرگىزۋ قۇقىعىنان ايىرىلدى»، - دەپ حابارلادى قاراعاندى وبلىسى پ د باسپا ءسوز قىزمەتى.

سونداي-اق، ول ءدامحانا يەسىنە كەلتىرىلگەن زالالدى تولەۋى ءتيىس.

اۆتور اگاتا مۋحامەدجانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى