ادام ولتىرگەن قازاقستاندىق ازامات 15 جىلدان سوڭ رەسەيدە ۇستالدى
«وسىدان 15 جىل بۇرىن ادام ولتىرگەن قازاقستاندىق رەسەي اۋماعىندا قولعا ءتۇستى. پاۆلودار وبلىسىنىڭ كريمينالدىق پوليتسياسىنىڭ ىزدەۋ توبى رەسەيلىك ارىپتەستەرىمەن بىرگە رەسەي فەدەراتسياسىنىڭ بارناۋىل قالاسىندا قۇقىق قورعاۋ ورگاندارىنان جالتارىپ جۇرگەن كۇدىكتىنى ۇستادى»، - دەدى شۇعىلا تۇرلىبەك ۆەدومستۆونىڭ باسپا ءسوز الاڭىندا وتكەن بريفينگتە.
ونىڭ اتاپ وتۋىنشە، 40 جاستاعى قازاقستان ازاماتى 2007 -جىلى پاۆلودار قالاسىندا ادام ولتىرگەنى ءۇشىن حالىقارالىق ىزدەۋدە بولعان. قاندى وقيعا ورىن العان كۇنى ول پاۆلودارلىق بيزنەسمەندى كۇزەتىپ جۇرگەن جانە كلۋب الدىنداعى كولىك تۇراعى ءۇشىن وزگە اداممەن ەرەگىسىپ قالعان.
«ەرەگىس بارىسىندا ول تەگىس ۇڭعىمالى قارۋمەن قارسىلاسىن اتقان. پاۆلودارلىق پوليتسەيلەر كۇدىكتىنىڭ وسى جىلداردىڭ ىشىندە وزگە بىرەۋدىڭ ساۋالناما مالىمەتتەرىمەن رەسەي ازاماتى رەتىندە جاسىرىنىپ جۇرگەنىن انىقتادى. قر باس پروكۋراتۋراسى ۇستالعان ادامدى قىلمىستىق جاۋاپكەرشىلىككە تارتۋ ءۇشىن قازاقستانعا ەكستراداتسيالاۋ ماسەلەسىن شەشىپ جاتىر»، - دەدى ءى ءى م وكىلى.
اۆتور: مارلان جيەمباي
