پرەزيدەنت تاپسىرماسى: قۇرىلىس ماتەريالدارى 15 پايىزعا ارزاندايدى

«قۇرىلىس ماتەريالدارى باعاسىنىڭ نەگىزسىز ءوسۋىن تومەندەتۋ ماقساتىندا «ماركەتپلەيس» اتتى ارنايى اقپاراتتىق الاڭ قۇرۋ كوزدەلىپ وتىر. ياعني، وتاندىق قۇرىلىس ماتەريالدارىن ونلاين ساتۋ الاڭى. مەملەكەتتىڭ قولداۋىمەن قۇرىلىس ماتەريالدارىن ساتۋعا ارنالعان ونلاين ساۋدا الاڭى بەلگىلەنگەن باعانى ۇستاپ تۇرۋعا مۇمكىندىك بەرەدى. بۇل ءوز كەزەگىندە باعانىڭ 15 پايىزعا ارزانداۋىنا جانە قۇرىلىس ماتەريالدارى نارىعىنىڭ اشىقتىعىن قامتاماسىز ەتەدى»، - دەدى ق. وسكەنبايەۆ و ك ق- دە وتكەن باسپا ءسوز ءماسليحاتىندا.

ۆيتسە- ءمينيستردىڭ مالىمدەۋىنشە، وتكەن جىلى «نۇرلى جەر» مەملەكەتتىك باعدارلاماسى اياسىندا قۇرىلىس ماتەريالدارىن وندىرۋشىلەر مەن قۇرىلىس كومپانيالارىنا ارنالعان www.stroimaterial.kz سايتى ىسكە قوسىلدى.

«اتالعان سايت «نۇرلى جەر» مەملەكەتتىك باعدارلاماسى اياسىندا جۇزەگە اسىرىلعان ءبىرىنشى جوبا، ال ەندى قولعا الىنعان «ماركەتپلەيس» سونىڭ جالعاسى، ەكىنشى كەزەڭ دەۋگە بولادى. بۇل ونلاين ساۋدا الاڭىندا وندىرۋشىلەر ءوز ونىمدەرىن ۇسىنا الادى. وندا بارلىق پروتسەسس ونلاين تۇردە جۇرگىزىلەدى، ياعني كەلىسىمشارتتار ەتسق (ەلەكتروندى سيفرلىق قولتاڭبا) كومەگىمەن جاسالادى. سونداي- اق، لوگيستيكالىق كومپانيالاردىڭ تاۋاردى جەتكىزۋىن باقىلايتىن ارنايى فۋنكسيا ىسكە قوسىلاتىن بولادى»، - دەيدى ول.

بۇعان دەيىن قايىربەك وسكەنبايەۆ ەلىمىزدە تۇرعىن ءۇي باعاسى قىمباتتاۋىنىڭ سەبەبىن ءتۇسىندىردى. سونىمەن قاتار، ۆيتسە- مينيستر قازاقستاندا تۇرعىن ءۇي باعاسىنىڭ ارزانداۋىنا قاتىستى بولجام جاسادى.

اۆتور: ءالي يبرايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى