ورالدا 15 جاستاعى قىز تۇرمىسقا شىقتى: اناسى شاعىم جازۋدان باس تارتتى
16-قىركۇيەكتە تىركەلگەن وقيعانىڭ انىق- قانىعىن ءتارتىپ ساقشىلارى كەشە اشىپ ايتتى. كەلتىرىلگەن دەرەكتەرگە قاراعاندا، 15 جاستاعى مەكتەپ وقۋشىسى قىركۇيەكتىڭ ورتاسىندا ءىز- ءتۇسسىز جوعالىپ كەتكەن. ىزدەۋ سالىپ شەشەسى پوليتسياعا ارىزدانىپتى. اقىرى ءتارتىپ ساقشىلارى، كامەلەتتىك جاسقا تولماعان قىزدىڭ 29 جاستاعى جىگىتكە كۇيۋگە ءتيىپ كەتكەنىن انىقتاعان.
دەرەك بويىنشا، «16 جاسقا تولماعان اداممەن جىنىستىق قاتىناستا بولدى»، دەگەن ايىپپەن ءىس قوزعالعان. الايدا، ول توقتاپ قالۋى مۇمكىن. ويتكەنى، قىزدىڭ اناسى ارىزدى قايتىپ العان.
«15 جاستاعى قىزدىڭ اناسى جاس ءوسپىرىم قىزىن سوت- مەديتسينالىق ساراپتامادان، وزگە دە بيولوگيالىق تەكسەرىستەردەن وتكىزۋدەن تۇبەگەيلى باس تارتىپ وتىر. جالپى مەديتسينالىق تەكسەرىستەن وتكىزۋگە قارسىلىق تانىتتى»، - دەدى ب ق و پوليتسيا دەپارتامەنتىنىڭ رەسمي وكىلى بولاتبەك بەلگىبەكوۆ.
«موي گورود» حابارلاۋىنشا، وسىدان كەيىن جاس ءوسپىرىم قارا ءتۇستى پارانجى كيىپ، تولىعىمەن بەتىن جاۋىپ، وتباسىمەن بايلانىستى ۇزبەك بولعان.
