قىزىلوردادان جوعالعان 15 جاستاعى قىز وسكەمەننەن تابىلدى
قىزىلوردا قالاسىنىڭ پوليتسيا باسقارماسىنا 7-قاراشا كۇنى جەرگىلىكتى تۇرعىن حابارلاسقان. وندا 2005 -جىلى دۇنيەگە كەلگەن قىزىنىڭ تۋىستارىنا بارىپ، ودان ءارى قاراي بەلگىسىز باعىتقا شىعىپ كەتكەنى ايتىلعان. سودان ۇيىنە قايتىپ ورالماعان.
«جوعالعان قىزدى ىزدەستىرۋ ءۇشىن موبيلدى توپ قۇرىلدى. توپ قۇرامىنا ۋچاسكەلىك پوليتسيا ينسپەكتورلارى مەن كريمينالدىق پوليتسيا قىزمەتكەرلەرى ەنگىزىلدى. سونداي-اق پوليتسيانىڭ قوسىمشا كۇشتەرى تارتىلدى. ىزدەستىرۋ ءىس-شارالارىنىڭ ناتيجەسىندە جاس ءوسپىرىم قىزدىڭ دوسىمەن كەزدەسۋ ءۇشىن وسكەمەن قالاسىنا جولعا شىعىپ كەتكەنى انىقتالدى. قازىر ونىڭ اتا-اناسى وسكەمەن قالاسىنا اتتاندى»، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنىڭ باسپا ءسوز قىزمەتى.
اۆتور: ءادىلجان ۇمبەت
