باتىس قازاقستاندا 15 جاستاعى قىزدىڭ تۇرمىسقا شىعۋى: تەرگەۋ جۇرگىزىلۋدە
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا ءبورلى اۋدانىندا بولدى. بيىلعى 16قىركۇيەكتە كامەلەتكە تولماعان ي. دەگەن قىزدىڭ جوعالىپ كەتكەنى جونىندە حابار تۇسكەن. جەدەل ىزدەستىرۋ شارالارى بارىسىندا ونىڭ ورال قالاسىنداعى تۇرعىلىقتى مەكەنجايى انىقتالدى. قىز سىرتقى بەلگىلەرى بويىنشا ءداستۇرلى ەمەس ءدىني اعىمدى ۇستاناتىن ج. دەگەن ازاماتپەن شاريعاتقا سايكەس زاڭسىز نەكە قيدىرعان. نەكە مەشىت پەن قىزدىڭ زاڭدى وكىلدەرىنىڭ، يمامداردىڭ قاتىسۋىنسىز قيىلعان.
جالعان نەكەنى جامىلعان ج. كامەلەتكە تولماعان 2005 -جىلعى قىزبەن جىنىستىق قاتىناسقا تۇسكەن. تابىلعان كەزدە ي. قارا ءتۇستى پارەنجە جامىلىپ، بەتىن تولىق بۇركەنىپ جۇرگەن. تۋىستارىمەن بارلىق قارىم- قاتىناستى ۇزۋگە ارەكەتتەنگەن. ج- نىڭ ءىس- ارەكەتى ق ر ق ك 122-بابى 1-بولىگىمەن (كورىنەۋ ون التى جاسقا تولماعان اداممەن جىنىستىق قاتىناسقا ءتۇسۋ) دارەجەلەنەدى. بۇل باپ بويىنشا ايىپتى دەپ تانىلعان ادام بەس جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى. ەسكە سالا كەتەيىك، بۇدان بۇرىن باتىس قازاقستان وبلىسىندا 16 جاستاعى وقۋشى قىزدىڭ اتا- اناسىنا ەسكەرتپەستەن، تۇرمىسقا شىققانىن جازعان بولاتىنبىز.
