قىلمىس الەمىنىڭ سەركەسىن بوساتقانى ءۇشىن اتامبايەۆ 15 جىلعا سوتتالۋى مۇمكىن
ەلدىڭ بۇرىنعى باسشىسى المازبەك اتامبايەۆتىڭ ادۆوكاتى زامير جووشيەۆتىڭ ايتۋىنشا، مەملەكەتتىك ايىپتاۋشى ەكس-پرەزيدەنتكە 15 جىل تۇرمە جازاسىن جانە بارلىق مەملەكەتتىك ماراپاتتاۋدان ايىرىپ، دۇنيە-مۇلكىن تاركىلەۋدى سۇراعان دەپ حابارلايدى KAZ. NUR. KZ Centralasian.org قىزمەتىنە سىلتەمە جاساپ.
ادۆوكاتتىڭ سوزىنشە، سوت ۇكىمى 18- ماۋسىمدا جاريالانباق. باتۋكايەۆتى زاڭسىز بوساتتى دەگەن ءىس بويىنشا 19 ادام جاۋاپ بەرىپ جاتىر. ونىڭ ىشىندە 4 باستى كۇدىكتى بار، سولاردىڭ ءبىرى - المازبەك اتامبايەۆ.
قىلمىس الەمىنىڭ بەلسەندىسى ازيز باتۋكايەۆ 2013-جىلى نارىن تۇرمەسىنەن دارىگەرلەردىڭ قاتەرلى ىسىك اۋرۋىمەن اۋىرادى دەگەن انىقتاماسى بويىنشا مەرزىمىنەن بۇرىن بوستاندىققا شىققان.
سول كۇنى ول گروزنىي (شەشەنستان، رەسەي) قالاسىنا ۇشىپ كەتكەن.
2019-جىلى ەلدىڭ ىشكى ىستەر مينيسترلىگى بۇل وقيعا بويىنشا قىلمىستىق ءىس قوزعاپ، تەرگەۋ جۇمىسىن باستاعان.
باستى ايىپتالۋشىلار - ەلدىڭ بۇرىنعى پرەزيدەنتى المازبەك اتامبايەۆ. بۇرىنعى باس پروكۋرور ينديرا جولدۋبايەۆا، جازالاردى اتقارۋ مەملەكەتتىك قىزمەتى ءتوراعاسىنىڭ بۇرىنعى كەڭەسشىسى كالىبەك كاچكىناليەۆ پەن گەماتولوگيا ورتالىعىنىڭ بۇرىنعى ديرەكتورى ابدۋحاليم رايمجانوۆ.
