قازاقستان - الەمدەگى بەنزين ەڭ ارزان توپ-15 ەلدىڭ قاتارىندا

وسى جىلدىڭ 13-ساۋىرىندەگى دەرەكتەرگە سايكەس، الەمدە اي-95 ماركالى بەنزيننىڭ ءبىر ليترىنە ورتاشا باعا 0,95 ا ق ش دوللارىن نەمەسە 404,5 تەڭگەنى قۇرايدى. دۇنيەجۇزىندەگى ەڭ ارزان بەنزين ۆەنەسۋەلادا تىركەلگەن. بۇل ەلدە تەڭگەگە شاققاندا اي-95 بەنزينىنىڭ ءبىر ليترى 1 تەڭگەدەن دە تومەن.

سونداي-اق، بەنزين ارزان ءۇش ەلدىڭ قاتارىنا يران (1 ليترى 0,09 ا ق ش دوللارى نەمەسە 39,2 تەڭگە) مەن سۋدان (1 ليترى 0,14 ا ق ش دوللارى نەمەسە 59,6 تەڭگە) كىرىپ وتىر. توپ-5 ەلدىڭ قاتارىندا انگولا (1 ليترى 0,28 ا ق ش دوللارى نەمەسە 121,4 تەڭگە) مەن مالايزيا (1 ليترى 0,29 تەڭگە نەمەسە 123,7 تەڭگە) دا بار.

قازاقستاندا بەنزين باعاسى ەڭ تومەنگى ەلدەردىڭ قاتارىنا كىرىپ، 11-ورىنعا تۇراقتاعان. 13 ساۋىردەگى مالىمەتتەرگە قاراعاندا، ەلىمىزدە بەنزيننىڭ ورتاشا باعاسى 1 ليترىنە - 0,41 ا ق ش دوللارى نەمەسە 174 تەڭگە. ال بۇل ت م د ەلدەرىندەگى ەڭ تومەنگى باعا سانالادى. ايتالىق، رەسەيدە اي-95 بەنزينىنىڭ ءبىر ليترى 265,8 تەڭگەنى، تۇرىكمەنستاندا 183,4 تەڭگەنى، ازەربايجانلا 201,4 تەڭگەنى، قىرعىزستاندا 230,2 تەڭگەنى قۇرايدى.

2020 -جىلدىڭ ناۋرىزىندا قازاقستاندا اي-92 ماركالى بەنزيننىڭ بولشەك ساۋداداعى ورتاشا باعاسى 1 ليترىنە 155,02 تەڭگە بولىپ، جىل ىشىندە 4 پايىزعا، وتكەن ايمەن سالىستىرعاندا 0,5 پايىزعا قىمباتتاعان ەدى. بۇل ماركاداعى ەڭ قىمبات بەنزين نۇر- سۇلتان قالاسىندا (160 تەڭگە)، كوكشەتاۋ (158 تەڭگە) مەن وسكەمەندە (158 تەڭگە) تىركەلگەن.

قازاقستاندا اي-95 پەن اي-96 ماركالى بەنزينىڭ بولشەك ساۋداداعى ورتاشا باعاسى جىل ىشىندە 2,7 پايىزعا قىمباتتاپ، 1 ليترى 173,79 تەڭگە بولدى جانە وسى جىلدىڭ اقپانىمەن سالىستىرعاندا باعا 0,1 پايىزعا قىمباتتادى.

بۇل ماركالى ەڭ قىمبات بەنزين نۇر-سۇلتاندا (178 تەڭگە)، اتىراۋ (178) مەن كوكشەتاۋدا (177) ساتىلادى. ال جازعى ديزەل وتىنى ءبىر ايدىڭ ىشىندە 0,1 پايىزعا ارزانداپ، ليترى 192,63 تەڭگەگە دەيىن تومەندەدى. قىمبات ديزەل كوكشەتاۋ (198 تەڭگە)، قوستاناي (197) جانە اتىراۋ (196) قالالارىندا تىركەلگەن.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى