قازاقستاندا قوسىمشا 15 اۋەجاي قالپىنا كەلتىرىلەدى

بۇل تۋرالى پارلامەنت سەناتىندا كولىك- لوگيستيكالىق قىزمەتتەردى دامىتۋعا ارنالعان دوڭگەلەك ۇستەل وتىرىسىندا ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى بەرىك كاماليەۆ ايتتى، دەپ حابارلايدى قازاقپارات ءتىلشىسى.

 «جەرگىلىكتى اۋە جەلىلەرى مەن اۋەجايلارى جاعدايىن جاقسارتۋ ماڭىزدى. بۇگىندە قوستاناي اۋەجايىنداعى ۇشۋ- قونۋ جولاعىن جاڭارتۋ جۇمىستارىن جۇرگىزۋدەمىز. 2020 -جىلعا دەيىن ەلىمىزدىڭ بارلىق اۋەجايلارىنداعى ۇشۋ- قونۋ جولاقتارىن قايتا جوندەۋدەن وتكىزۋدى اياقتاۋ جوسپارلانىپ وتىر» ، - دەدى ۆيتسە- مينيستر.

ونىڭ سوزىنە قاراعاندا، قازىرگى كەزدە جەرگىلىكتى ماڭىزداعى ءۇرجار، ءۇشارال، زايسان اۋەجايلارى قىزمەت كورسەتۋدە. باياناۋىلدا دا ۇشۋ- قونۋ جولاعىن جاڭارتۋ جۇمىستارى اياقتالۋدا. «بىزدە 500 ميلليون تەڭگە سوماسىنداعى سمەتالىق قۇجاتنامانىڭ تيپتىك جوباسى بار. وسى ورايدا جەرگىلىكتى اۋە جەلىلەرىن قالپىنا كەلتىرۋ ءۇشىن ونى جەرگىلىكتى اكىمدىكتەرگە جولدادىق. 2022 -جىلعا دەيىن قوسىمشا 15 اۋەجايدى قالپىنا كەلتىرۋدى جوسپارعا ەنگىزدىك» ، - دەدى ب. كاماليەۆ.

بۇدان بۇرىن حابارلانعانداي، ۆيتسە- مينيستر شىلدەدە قازاقستاننان جاپونياعا جاڭا اۋە رەيسى اشىلاتىنىن ءمالىم ەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى